SHBA kujton ndërhyrjen e NATO-s në Kosovë: Ishte legjitime dhe e domosdoshme
![](https://gazetainfokus.com/wp-content/uploads/2022/03/Screenshot_1-10-852x460.jpg)
Autori: Gazeta inFokus
20:17 | 24 March 2022
Ambasada amerikane në Prishtinë ka shkruar për 23 vjetorin e nisjes së operacionit të NATO-s në Kosovë kundër spastrimit etnik të regjimit të kriminelit Sllobodan Millosheviq.
Kjo ambasadë ka thënë se përdorimi i forcës nga NATO ishte i domosdoshëm dhe legjitim, shkruan lajmi.net.
“Më lejoni t’i kujtoj këtij Këshilli se Këshilli i Sigurimit i OKB-së kishte shprehur shqetësimet e tij për kërcënimin që gjendja e rëndë humanitare në Kosovë dhe numri në rritje i refugjatëve paraqet për paqen dhe sigurinë ndërkombëtare”.
Ambasada tutje ka kujtuar edhe një deklaratë të tani presidentit të SHBA-ve, Joe Biden, i cili në Beograd kishte shprehur ngushëllme për familjet që humbën jetën në luftërat e viteve të 90-ta, përfshirë ata nga fushata ajrore e NATO-s.
“Na vjen keq shumë për humbjen e jetëve të civilëve të pafajshëm, përfshirë ata që humbën jetën gjatë këtij operacioni ushtarak. Kujtojmë dhe vajtojmë me të gjitha ato familje që humbën të dashurit në konfliktet e viteve 1990. Kur vizitoi Beogradin në vitin 2016, Presidenti Biden shtoi ngushëllimet e tij personale për familjet e atyre që humbën jetën gjatë luftërave të viteve ’90, përfshirë si rezultat i fushatës ajrore të NATO-s. Dhe sot shtoj ngushëllimet e mia të përzemërta”, thuhet tutje.
Po ashtu theksohet se Shtetet e Bashkuara mbështesin fuqimisht një të ardhme demokratike, të begatë dhe paqësore për Ballkanin Perëndimor.
“Marrëveshja do të kërkojë fleksibilitet, kompromis dhe guxim politik nga të dyja palët”
Sipas ambasadës, Status- Quoja mes Kosovës dhe Serbisë pengon të dyja vendet.
Deklarata e plotë:
Njëzet e tre vite më parë, NATO filloi Operacionin Forca e Bashkuar për t’i dhënë fund një dekade të gjakderdhjes në Ballkan. Ky intervenim erdhi pas shterjes të të gjitha rrugëve diplomatike, për ta ndalur një fushatë brutale të spastrimit etnik, të nxitur nga regjimi i Millosheviqit.
Përdorimi i forcës nga NATO në këtë rast, ka qenë edhe i nevojshëm edhe legjitim. Më lejoni t’ia kujtoj këtij Këshilli, se Këshilli i Sigurimit të OKB-së kishte shprehur shqetësim lidhur me kërcënimin se kriza e rëndë humanitare në Kosovë dhe numri i madh i refugjatëve, përbënin kërcënim për paqen dhe sigurinë ndërkombëtare. Sot, ne kujtojmë qindra mijëra qytetarë të pafajshëm, të dëbuar nga shtëpitë e tyre dhe mijëra të tjerë të vrarë apo të zhdukur, si pasojë e nacionalizmit të dhunshëm të regjimit të Millosheviqit dhe forcave të tij.
Është detyrë e dy qeverive, asaj të Serbisë dhe të Kosovës, që të sigurojnë drejtësi të plotë për të gjitha viktimat dhe familjet e tyre si dhe informacione lidhur me fatin e më të dashurve të tyre.
Ndjejmë keqardhje të thellë për humbjen e jetëve civile, përfshirë edhe të atyre që u zhdukën përgjatë këtij operacioni ushtarak. I kujtojmë dhe bashkëndjejmë me familjet që kanë humbur të dashurit e tyre gjatë konfliktit në vitet e ’90-a. Kur vizituam Beogradin në vitin 2016, Presidenti Biden kishte shprehur ngushëllimet e tij personale te familjet të cilat kishin humbur jetët në vitet ’90, përfshirë edhe ato që erdhën si pasojë e fushatës ajrore të NATO-s. Dhe unë, sot, shpreh edhe ngushëllimet e mia të sinqerta.
Shtetet e Bashkuara mbështesin një të ardhme demokratike, prosperuse dhe paqësore për Ballkanin perëndimor. Inkurajojmë Kosovën dhe Serbinë për t’i dyfishuar përpjekjet në arritjen e një marrëveshjeje gjithëpërfshirëse, që duhet të jetë e qendërzuar në njohje reciproke, nëpërmjet dialogut të ndërmjetësuar nga BE. Arritja e marrëveshjes kërkon fleksibilitet, kompromis dhe guxim politik nga të dyja palët. Është e qartë se ‘status quo’-ja, pengon si Kosovën, ashtu dhe Serbinë për t’i zhvilluar potencialet e tyre të plota.
Le të nderojmë kujtimin për ata që i humbëm, duke punuar së bashkua për ndërtimin e një të ardhme paqësore dhe prosperuese për secilin në Ballkanin perëndimor.
![](https://gazetainfokus.com/wp-content/uploads/2024/01/EURO-2024-dhe-Serie-A-scaled-1.jpg)
Të tjera
-
Hapet Thirrja Publike “Mbështetje konsumatorëve familjarë për investimin në pajisje efiçiente për ngrohje”
Në kuadër të pakos emergjente për energji dhe e mbështetur nga Komisioni Evro...
-
Arrest shtëpiak për katër serbë që sụlmuan policët në Mitrovicën e Veriut
Gjykata Themelore në Mitrovicën e Veriut vendosi arrest shtëpiak për 30 ditë ...
-
Rreth 3 mijë qenë endacakë, ka interesim për adaptimin e tyre
Përkundër investimit prej 1.7 milionë euro për zgjidhjen e problemit të qenëv...
-
Sa vite burg rrezikon Sali Berisha? Tregon avokati i tij
Genc Gjokutaj, avokat i kryetarit të Partisë Demokratike të Shqipërisë, Sali ...
-
Seanca plenare e Kuvendit: Deputetët diskutojnë për shëndetin Rriprodhues e raportet e Kosovës me ShBA
Kuvendi i Kosovës sot do të mbajë seancë plenare. Deputetët mblidhen nga ora ...
-
Komuna e Prishtinës pezullon përkohësisht tenderin prej 18 milionë eurosh
Komuna e Prishtinës ka pezulluar përkohësisht tenderin prej 18 milionë euros...
-
Lansohet sot thirrja publike për mbështetjen e konsumatorëve familjarë për investim në pajisje efiçiente për ngrohje
Sot në ora 09:00, Ministria e Ekonomisë, në kuadër të pakos emergjente për en...
-
Joe Biden “tradhton” demokratët, kapet mat duke “mbështetur” Trump
Presidenti Joe Biden veshi për një çast një nga kapelet e kuqe MAGA të ish-Pr...
-
Kyle Walker injoron De Bruynen kur pyetet për lojtarin më të mirë me të cilin ka luajtur te City
Kyle Walker iu bashkua Manchester Cityt nga Tottenham në vitin 2017 dhe që at...
-
“Fitorja e Ukrainës varet nga SHBA”, Zelensky pas takimit me Blinken: Ndikojnë edhe partnerët e tjerë
Presidenti ukrainas, Volodymyr Zelensky, tha se plani i Ukrainës për të mposh...
-
Nis verifikimi nëse ka fëmijë që nuk jetojnë në Kosovë e i marrin shtesat
Proces verifikues për prindër që përfitojnë nga shtesa për fëmijë, ka nisur M...
-
Policia shkatërron sot armët e konfiskuara gjatë aksioneve
Policia e Kosovës sot do të organizojë shkatërrimin e armëve të konfiskuara g...