Lajme

SHBA-ja e shpall Wagner-in organizatë kriminale transnacionale, Kurti ka thënë se anëtarë të këtij grupi ishin në veri

Autori: Gazeta inFokus 15:14 | 29 January 2023

Departamenti i Thesarit i Shteteve të Bashkuara të Amerikës e ka shpallur këtë javë grupin paramilitar rus, Wagner, organizatë kriminale transnacionale. Ky vendim u mor si pjesë e përpjekjeve për t’i goditur këta mercenarë, përgjegjës për shumë krime mizore në Ukrainë.

Mijëra mercenarë të Wagner-it besohet të jenë në terren në Ukrainë dhe SHBA-ja ka vendosur t’i sanksionojë anëtarët e këtij grupi me në krye Yevgeniy Prigozhinin.

“Shtetet e Bashkuara po sanksionojnë individë dhe entitete të lidhura me grupin paraushtarak të Rusisë Wagner dhe kreun e tij, Yevgeniy Prigozhin – duke përfshirë infrastrukturën kryesore dhe kompanitë e saj të frontit, operacionet e saj në fushën e betejës në Ukrainë, prodhuesit e armëve ruse dhe ata që administrojnë zonat e pushtuara të Ukrainës nga Rusia. Ky veprim mbështet qëllimin tonë për ta degraduar kapacitetin e Moskës për të zhvilluar luftë kundër Ukrainës, për të nxitur përgjegjësinë për ata që janë përgjegjës për luftën e agresionit të Rusisë dhe abuzimet e lidhura me to, dhe për të bërë presion të mëtejshëm mbi sektorin e mbrojtjes së Rusisë”, u tha në një deklaratë të Sekretarit amerikan të Shtetit, Antony Blinken të enjten.

-Advertisement-

Këtë deklaratë të premtën e ndau në web-faqen zyrtare edhe Ambasada e SHBA-së në Brograd. Në disa intervista për mediat e huaja, kryeministri i Kosovës, Albin Kurti ka thënë se kanë prova se gjatë barrikadave në veri, kishte edhe persona të maskuar të grupit Wagner, të cilët synonin përshkallëzimin e situatës, ashtu siç dëshironte presidenti serb, Aleksandar Vuçiq, përcjell Gazeta Express.

“Shtetet e Bashkuara janë të palëkundura në vendosmërinë tonë kundër agresionit të Rusisë dhe sjelljeve të tjera destabilizuese në mbarë botën”, thuhet në deklaratë. Blinken shton se ky vendim “do ta pengojnë më tej aftësinë e Kremlinit për ta armatosur makinerinë e tij të luftës që është e përfshirë në një luftë agresioni kundër Ukrainës dhe që ka shkaktuar vdekje dhe shkatërrim të pandërgjegjshëm”.

Subscribe në YouTube: GAZETA INFOKUSI
UFC EKSKLUZIVISHT NË ARTMOTION!
-Advertisement-

Të tjera

Fokusi

lajme