Serwer: Dhuna në Kuvend është pasqyrë e keqe për Kosovën
Autori: Gazeta inFokus 09:56 | 15 July 2023
Analisti amerikan, Daniel Serwer në një intervistë dhënë për RTK-në në lajmet e fundit, e konsideron si pasqyrë të keqe dhunën e në Kuvendin e Kosovës. Ai tha se ajo që ka ndodhur të enjten e dëmton tempullin e demokracisë në Kosovë.
“Ka ndodhur shpesh në shumë demokraci, madje ka ndodhur edhe në Shtetet e Bashkuara para 50 vitesh, por nuk pasqyron mirë. Vetëm e dëmton Kosovën dhe shtetin e Kosovës”, ka deklaruar Serwer.
Analisti amerikan, që është njohës i mirë i politikave në Ballkan është deklaruar edhe për çështjen e veriut dhe deeskalimin e situatës atje.
“Pikëvështrimi im është se deeskalimi është shumë i rëndësishëm të bëhet, por duhet të bëhet nga të gjitha palët dhe çfarë po kërkon BE është shumë e njëanshme dhe më duket që ka kërkesa që duhet bërë edhe ndaj Serbisë gjithashtu”, tha ai.
Në pyetjen se a ka rrethana të mbahen zgjedhjet në veri, Serwer tha se nuk do të kishte fare kuptim mbajtja e zgjedhjeve nëse serbët përsëri i bojkotojnë ato.
“Duhet të jemi të sinqertë, serbët e Kosovës janë nën kontrollin e Beogradit. Pra, duhet bërë kërkesë edhe nga Beogradi që të zotohet që të inkurajojnë serbët e Kosovës që të marrin pjesë në zgjedhje. Unë nuk e kam parë ende këtë duke ndodhur”, tha ai.
Analisti amerikan foli edhe për raportet ndërmjet Kosovës e BE-së, për të cilat ai tha se janë të këqija. “Por, është më se e qartë se Kosova duhet t’i përmirësojë marrëdhëniet e veta me Uashingtonin dhe Brukselin dhe i kisha inkurajuar autoritetet në Kosovë që të jenë të vëmendshme ndaj kësaj nevoje. Kosova është vend i vogël, që ka fqinjë armiqësorë dhe ka nevojë për miq”, tha Serwer.
Ai po ashtu foli edhe për raportet e ndërkombëtarëve në relacion me Serbinë, duke i konsideruar si të tepruara.
“Mendoj që Perëndimi po e tepron me tërheqjen e Serbisë dhe duke fituar shumë pak nga ajo. Mendoj se janë dy shkaqe për këtë, e para është që diplomatët amerikanë kanë premtuar se mund ta sjellin Serbinë në Perëndim, e që unë mendoj që është e pamundur me personat siç është Vulini. Është po ashtu edhe për shkak të asaj se Serbia ka lejuar që një pjesë e municionit të shkojë në Ukrainë. Unë mendojë që është një arsye e papranueshme”, tha Serwer.
Në pyetjen se a janë dëmtuar raportet diplomatike ndërmjet Kosovës e SHBA-së sa i përket koordinimit për veriun, ai tha se këto raporte janë “dëmtuar”.
“Duket se ka shumë diplomatë amerikanë dhe evropianë që ankohen për mos-koordinim nga Kosova. Nuk e di se çka ka ndodhur saktësisht, por është e qartë se marrëdhëniet me Evropën dhe SHBA-në janë dëmtuar. Kosova është një vend i vogël dhe nuk mund t’ia dalë të navigojë nëpër botë e vetme, i duhen miqtë”, tha edhe njëherë Serwer.
Të tjera
-
Lajcak: Më vjen keq që dështoi takimi trepalësh e që s’i diskutuam çështjet më urgjente
Emisari special i BE-së, Miroslav Lajcak, është lajmëruar në rrjetin social “...
-
Serbia e kërkon në Bruksel lëvizjen e kufijve të Mitrovicës së Veriut si kusht për hapjen e Urës
Kryenegociatori i Serbisë për dialogun me Kosovën, Petar Petkoviq tha se në B...
-
Presidentja Osmani nuk i beson Vuçiqit i cili kërkoi kthimin e serbëve në polici dhe gjyqësi: Retorikë për ta tërhequr vëmendjen
Presidentja Vjosa Osmani ka thënë kërkesat e presidentit serb, Aleksandër Vuç...
-
Ky është personi që kërkohet për një vjedhje grabitqare, Policia kërkon ndihmë për kapjen e tij
Policia e ka publikuar fotografinë e një personi që dyshohet për vjedhje grab...
-
Kryeministri Kurti të enjten në Bruksel, të njëjtën ditë Von Der Leyen shton drekë për liderët e Ballkanit
Kryeministri Albin Kurti është një nga folësit në një ngjarje të organizuar n...
-
Bislimi: Petkoviq kushtëzoi agjendën e takimit trilateral me kërkesa të papranueshme për Kosovën
Besnik Bislimi, kryenegociatori i Kosovës në dialogun Kosovë, ka thënë se tak...
-
Pa takim trilateral në Bruksel, ZKM njofton çfarë folën Bislimi e Lajçak, përmendet edhe Ura e Ibrit
Zëvendëskryeministri Besnik Bislim, u takua në Bruksel me Përfaqësuesin Speci...
-
BPRG: Kosova meriton përfaqësim të plotë në CEFTA, heqja e ndalesës për mallrat serbe do të ulë edhe tensionet
Balkans Policy Research Group përmes një komunikate për media ka thënë se Kos...
-
Këshilltari i Bislimit thotë se s’ka pasë takim trepalësh në Bruksel
Kanë përfunduar takimet në nivel të kryenegociatorëve në Bruksel pa një takim...
-
Vetëdorëzohet në Prokurorinë Speciale i akuzuari për drogë e armëmbajtje pa leje, lirohet pasi dha dorëzani 30 mijë euro
Është vetëdorëzuar në Prokurorinë Speciale i pandehuri mbi të cilin rëndojnë ...
-
Miratohet raporti mbikëqyrës i zbatimit të Ligjit për Administrimin e Pasurisë së Sekuestruar dhe të Konfiskuar
Komisioni për Legjislacion, Mandate, Imunitete, Rregulloren e Kuvendit dhe mb...
-
Trepça e pezullon edhe një punëtor nga puna, shkak mosrespektimi i rregullave të punës
Ndërmarrja Trepça Sh.A. sot më 17 shtator e ka larguar përkohësisht nga puna ...