Sport

Serie A, rrallohen kartonët e kuq. Frikë nga “VAR”-i?

Autori: Gazeta inFokus 13:44 | 28 September 2018

Shumë penallti, por mbi të gjitha pak përjashtime! Duket se është ky trendi që po karakterizon futbollin italian në të dhënat e fundit, e numrat tregojnë se që prej implementimit të sistemit të videoarbitrimit, sanksionet kanë ndryshuar.

Vetëm 5 kartona të kuq në 6 javët e para në Serie A janë një numër vërtet varfërues për një kampionat që karakterizohet gjithmonë nga mbrojtja e fortë.

Kjo është një nga kuotat më të ulëta në futbollin e Apenineve, praktikisht një përjashtim në thuajse 12 ndeshje. Në një analizë krahasuese me sezonet e kaluara, numri i kartonëve të kuq ka rënë ndjeshëm dhe shumëkush e cilëson si një frikë nga sistemi VAR dhe efektit të korrigjimeve.

-Advertisement-

Në sezonin 2015-16, pas zhvillimit të 6 javëve të para u regjistruan 23 kartona të kuq, ndërsa vitin e kaluar kishte 12 të tillë, më shumë se gjysma e numrit mbresëlënës të këtij viti.

Subscribe në YouTube: GAZETA INFOKUSI