Serbia shton numrin e policëve në shkolla pas vrasjeve masive
![](https://gazetainfokus.com/wp-content/uploads/2023/05/01000000-c0a8-0242-7858-08db4fc3bf56_w1597_n_r1_st_s1-852x460.jpg)
Autori: Gazeta inFokus
18:22 | 08 May 2023
Serbia e ka rritur praninë e policisë në shkollat anembanë vendit, pas dy rasteve të vrasjeve masive javën e kaluar, që lanë 17 persona të vrarë dhe mbi 20 të tjerë të plagosur. Këto dy raste ndodhën brenda 48 orëve.
“Nga sot, prezenca e policisë është shtuar në të gjitha shkollat fillore dhe të mesme në Serbi”, tha zyrtarja e policisë, Danijela Ostojiq, nga Drejtoria e Policisë në Serbi, duke shtuar se do të ketë “prezencë të vazhdueshme” të policëve gjatë orëve të mësimit.
Ajo tha se në Serbi gjatë ditëve të fundit janë raportuar më shumë se 120 kërcënime nga studentë dhe postime me përmbajtje të papërshtatshme në rrjete sociale.
“Për këtë arsye, Ministria edhe një herë apelon tek të gjithë qytetarët që ta ruajnë mendjen e shëndoshë dhe stabilitetin, veçanërisht kur bëhet fjalë për fëmijët tanë që ndjekin informacione nga burime dhe media të ndryshme. Profilet e tyre në rrjete sociale duhet të jenë nën kontrollin e prindërve”, tha Ostojiq.
Në një fjalim më 5 maj, presidenti i Serbisë, Aleksandar Vuçiq, njoftoi se policia do të rrisë patrullimet në rrugë dhe shkolla në javët e ardhshme për t’i ndihmuar shtetasit serbë ta rifitojnë ndjenjën e sigurisë.
“Serbia do të punësojë 1.200 policë të rinj dhe 1.000 prej tyre do të jenë në krye të shkollave në gjashtë muajt e ardhshëm”, tha presidenti serb.
Ai u shpreh i bindur se forcat e policisë përreth shkollave do të ndikojnë në uljen e dhunës “për 80 për qind më pak brenda më pak se një viti”.
Vuçiq njoftoi gjithashtu se do të bëhen kontrolle të armëve dhe municioneve. Të gjithë qytetarët që posedojnë armë – që vlerësohet të jenë rreth 400.000 njerëz – do t’i nënshtrohen një auditimi, tha ai.
Më 3 maj, një i dyshuar 13-vjeçar hapi zjarr në shkollën fillore Vladislav Ribnikar në Beograd, duke vrarë tetë bashkënxënës dhe një roje sigurie dhe duke plagosur gjashtë nxënës të tjerë dhe një mësues.
I dyshuari, i cili përdori dy armë në pronësi të babait të tij, e kishte planifikuar sulmin me muaj të tërë, sipas zyrtarëve.
Dy ditë më vonë, një tjetër vrasje masive ndodhi në Serbi.
Të paktën tetë njerëz u vranë dhe 14 u plagosën më 5 maj pasi një person i armatosur hapi zjarr nga një makinë drejt këmbësorëve në disa fshatra pranë Mlladenovacit, 50 kilometra në jug të Beogradit.
I dyshuari 21-vjeçar dyshohet se ka përdorur armë automatike.
Pas arrestimit të të dyshuarit, policia ka kryer kontrolle në ambientet që ai përdorte, duke gjetur një automatik kallashnikov, katër granata dhe municion.
![](https://gazetainfokus.com/wp-content/uploads/2023/10/sami1.jpg)
Të tjera
-
Gjendet pa shenja jete një grua në Fushë Kosovë
Një trup i pajetë është gjetur në rrugën “Hysen Xhakolli” në Fushë Kosovë. ...
-
Hoxhaj, Lavrovit: Propaganda ruse dhe serbe e ‘spạstrimit etnik’ të serbëve në Kosovë, përpjekje për destabilizim
Nënkryetari i Kuvendit nga radhët e PDK-së, Enver Hoxhaj, ka reaguar ndaj dek...
-
Lavrov: Po tentojnë që serbët t’i dëbojnë në heshtje nga Kosova
Ministri i Jashtëm rus, Sergei Lavrov, ka thënë se serbët e Kosovës janë duke...
-
Kurti: Trashëgimia e Rexhep Lucit mbetet e gjallë dhe duhet të vazhdojë përmes veprave tona
Kryeministri Albin Kurti, përmes një njoftimi ka bërë të ditur se e ka shikua...
-
Aksident në mes autobusit të “Trafikut Urban”, dhe një veture në Prishtinë (PAMJE)
Një aksident trafiku ka ndodhur para pak minutave në mes të autobusit të “Tra...
-
Arrestohet një serb për krimẹ lụftẹ në Istog
Policia e Kosovës ka arrestuar një serb për krime lufte kundër popullsisë civ...
-
“Ekrem Rrahmani, assesi nuk po mund të edukohet” reagon VV-ja në Podujevë pas përplasjes me Bulliqin
Lëvizja Vetëvendosje e Qendrës në Podujevë, ka reaguar pas përplasjes...
-
Lansohet projekti për sigurinë e fëmijëve në trafik
Në shkollën fillore ” Naim Frashëri” në Prishtinë, sot u bë lansimi i projekt...
-
Dogana sekuestron dy automjete luksoze, vlera e tyre marramendëse
Ditën e sotme, Njësitet Antikontrabandë të Doganës së Kosovës në rajonin e Pr...
-
Dështon vazhdimi i seancës në Kuvend, shkak mungesa e kuorumit
Kuvendi i Kosovës nuk ka pasë kuorum për të vazhduar pjesën e dytë të seancë ...
-
“Tradhtar, legen, uzurpator”, përplasje e ashpër mes Bulliqit e asambleistit të LDK-së
Kryetari i Komunës së Podujevës, Shpejtim Bulliqi, është përplasur ashpër me ...
-
Policia e Kosovës me aksion në veri, bastisen Degët e Bankës Popullore të Serbisë
Policia e Kosovës, Drejtoria për Krime të Rënda Ekonomike në Prishtinë me urd...