Lajme

Serbia po vazhdon t’i lëshojë dokumentet hyrëse/dalëse, Kosova gati ta respektojë marrëveshjen

Autori: Gazeta inFokus 21:31 | 31 August 2022

Në pikëkalimin kufitar në Janrinjë po vazhdon të lëshohet letra hyrëse/dalëse nga autoritetet serbe për secilin që futet në Serbi nga Kosova.

Kjo pritet të vazhdojë deri në mesnatë, ku pritet të hyjë në fuqi marrëveshja e arritur në Bruksel, e cila thotë se asnjëra palë nuk do t’i lëshojë dokumentet hyrëse/dalëse për palën tjetër.

Klan Kosova ka marrë vesh se në pikëkalimin kufitar në Jarinjë është vendosur një dokument që tregon se letërnjoftimet kosovare janë pranuar vetëm sa i përket lehtësimit të lëvizjes së lirë për qytetarët dhe për asnjë qëllim tjetër, duke bërë të ditur se Serbia s’e ka lëkundur qëndrimin e saj në lidhje me pavarësinë e Kosovës.

-Advertisement-

Policët kufitarë i kanë thënë Klan Kosovës se nëse nis zbatimi i marrëveshjes nga Serbia, atëherë zbatimi do të nis edhe nga Kosova, duke mos lëshuar dokumentin hyrës/dalës.