Lajme

Serbia kërkon ndarjen e Kosovës, Amerika kategorikisht kundër

Autori: Gazeta inFokus 17:21 | 29 May 2018

Procesi i normalizimit të marrëdhënieve ndërmjet Beogradit dhe Prishtinës s’ka dyshim se është i bllokuar, dhe mbetet të shihet se kur do të lëvizin gjërat, në mënyrë që të shkohet drejt një zgjidhje përfundimtare mes dy shteteve.

Burimet e gazetës serbe Danas kanë thënë se shteti serb aktualisht nuk po heq dorë nga ideja e një ndarje të Kosovës, ide e cila po kundërshtohet ashpër nga amerikanët.

Në këtë kontekst theksohet edhe deklarata e ministrit të jashtëm serb, Ivica Daçiq i cili përsëriti se “ka shqiptarë që janë të gatshëm për ndarjen e Kosovës”.

Burimet e Danasit thonë se deri më tani nuk ka ndonjë indikacion se kur do të vazhdojë raundi i ri i diaologut ndërmjet Kosovës dhe Serbisë.

-Advertisement-

Por ka zëra se një takim i mundshëm mes Vuçiqit, Thaçit dhe Mogherinit mund të “mabhet rreth 20 qershorit”, transmeton lajmi.net.

“Bisedimet mes Beogradit dhe Prishtinës do të vazhdojnë herët apo vonë, por nuk pritet ndonjë përparim i madh dhe nuk ka marrëveshje në horizont. SHBA kundërshtojnë me forcë ndarjen e Kosovës”, thonë burimet e gazetës serbe.

Historiani dhe analisti serb, Dragomir Andjelkoviq ka vlerësuar se procesi i bisedimeve për momentin është bllokuar, duke akuzuar Kosovën se nuk po e zbaton marrëveshjen për Asociacionin.

Kurse sipas shumë ekspertëve në Ballkan, vetëm kancelarja gjermane, Angela Merkel ka capital të mjaftueshëm politik për të ushtruar presion te Kosova dhe Serbia për një marrëveshje përfundimtare.

Subscribe në YouTube: GAZETA INFOKUSI