Lajme

Serbi nga Kosova qarkullon me letërnjoftim të strukturave paralele

Autori: Gazeta inFokus 23:06 | 15 October 2022

Letërnjoftimin e Serbisë e mban një qytetar i komunitetit serb që jeton në Kosovë.

E kjo i është mundësuar nga marrëveshja për letërnjoftimet në mes të Kosovës dhe Serbisë, kur Qeveria e Kosovës vendosi t’i njeh dokumentet e lëshuara nga strukturat paralele serbe, në të cilat shteti i Kosovës trajtohet si pjesë e brendshme e Serbisë.

Qytetari që deshi të mbetet anonim, thotë se udhëton pa problem me këtë dokument për në Serbi dhe anasjelltas, përmes kufirit të Jarinjes.

-Advertisement-

Kjo po konsiderohet se vë në pikëpyetje sovranitetin dhe integritetin territorial të Kosovës, si dhe po shihet si legalizim i strukturave paralele serbe.

Nazmi Fejza, qytetar i Mitrovicës, ka bërë të ditur se dokumenteve ilegale në fjalë, legalitetin ua ka dhënë vetë kryeministri Albin Kurti me marrëveshjen e fundit.

Edhe politologu Musa Preteni, tërhoqi vërejtjen se ekziston një detaj tjetër rreth marrëveshjes për letërnjoftimet, e që nuk u publikua asnjëherë.

Edhe Emir Azemi, njohës i rrethanave politike, thotë se letërnjoftimet të cilat i lëshon Serbia për qytetarët dhe territorin e Kosovës me mbishkrimin Republika e Serbisë, në aspektin juridik përbëjnë shkelje ligjore.

Zëdhënësi i Policisë për rajonin e veriut, Branisllav Radoviq, ka konfirmuar se qytetarët po e kalojnë kufirin me letërnjoftime të Serbisë dhe se deri më tani nuk ka pasur probleme.

Subscribe në YouTube: GAZETA INFOKUSI