Sport

Serbët premi pak më të lartë se Skënderbeu

Autori: Gazeta inFokus 18:00 | 18 October 2017

Skënderbeu pret Partizanin e Beogradit për të zhvilluar ndeshjen e tretë të fazës së grupeve në Europa League.

Skuadra serbe erdhi në Shqipëri me objektivin për të marrë 3 pikët ndaj Skënderbeut, edhe pse nuk do të ketë mbështetjen e tifozëve të saj, pasi nuk do të jenë në stadium pas marrëveshjes së arritur mes dy klubeve.

Kjo përballje ka marrë një rëndësi të madhe, sa për futbollistët është përcaktuar një shpërblim prej 130 mijë eurosh në rast fitoreje ndaj ekipi shqiptar, që ka premtuar premi prej 100 mijë eurosh.

-Advertisement-

Sfida me Skënderbeun është vlerësuar në maksimum nga trajneri i Partizanit të Beogradit, Miroslav Djukic, sipas të cilit është përcaktuese edhe për fatet e grupit B.

“Është një ndeshje me shumë peshë, pasi do të shohim sesi do të jetë situata e grupit. Nuk do të jetë e lehtë të fitojmë të dyja ndeshjet ndaj Skënderbeut, por në Elbasan do të shkojmë për të marrë fitoren. Në këtë përballje do të hedhim në fushë formacionin më të mirë të mundshëm. Duhet të mendojmë pozitivisht, të jemi të përqendruar gjatë të gjithë kohës dhe të luajmë pa frikë”, tha Djukiç para se të nisej nga Beogradi.

Skënderbeu përballet për herë të parë me Partizanin e Beogradit, në arenën europiane, por edhe me një skuadër serbe në përgjithësi. Sfida do të luhet nesër, në orën 21:05, në “Elbasan Arena”.

Subscribe në YouTube: GAZETA INFOKUSI