Sport

Selmani i Llapit: Kemi skuadër cilësore, shpresoj të ngritemi më lartë në tabelë

Autori: Gazeta inFokus 15:27 | 05 January 2021

Klubi i Llapit të hënën ka nisur përgatitjet për edicioni pranveror, shkruan Gazeta inFokus.

Skuadra e drejtuar nga Tahir Batatina gjatë pjesës së parë të sezonit nuk kishte arritur të bënte paraqitje të mira.

Megjithatë, mesfushori llapjan, Kastriot Selmani, në një prononcim të dhënë për Gazetën inFokus ka thënë se beson që klubi i tij do t’u rikthehet paraqitjeve të mira.

-Advertisement-

“Po, besoj që do të kthehemi me paraqitje të mira, pasi që dihet se në ndeshjet e fundit kemi pasur paraqitje të mira, ku pas krizës së rezultateve që kemi pasur, nuk kanë munguar as rezultatet”.

“Shpresoj se pjesën e mbetur të sezonit nga fillimi do të kemi paraqitje të mira dhe të ngritemi sa me lartë në tabelë, sepse kemi një skuadër mjaft cilësore”, ka deklaruar Selmani.

Llapi e mbylli stinorin vjeshtor në vendin e tetë me 20 pikë./Gazeta inFokus.

Subscribe në YouTube: GAZETA INFOKUSI