Lajme

Selmanaj për rritjen e faturave të tatimit në pronë: Qeveria ua ka vu lakun në fyt qytetarëve të Kosovës

Autori: Gazeta inFokus 19:36 | 24 January 2023

Deputeti i LDK’së, Driton Selmanaj ka reaguar pas rritjes së faturave të tatimit në pronë.

Selmanaj përmes një shkrimi në Facebook tha se ‘qeveria ua ka vu lakun në fyt qytetarëve të Kosovës’.

Ai tha se vetëm brenda 5 ditë, kjo qeveri ka votuar kundër tërheqjes së parave nga Trusti, nuk ua njohën stazhin e punës për vitet 1990-99, ndërsa thotë se sot pa fije turpi, qytetarëve ua dyfishon faturat e tatimit në pronë.

-Advertisement-

“Qeveria i’a ka vu lakun në fyt qytetarëve të Kosovës.

Vetëm brenda 5 dite: Voton kundër mundësisë për tërheqjen e parave nga Trusti. Voton kundër 11 mijë pensionistëve, duke mos ua njohur stazhin e punës për vitet 1990-1999.

Sot pa fije turpi, qytetarëve ua dyfishon faturat e tatimit në pronë. Nuk pritet më mirë! Këto janë rezultatet e një lëvizje politike anti-shtet!”, shkroi Selmanaj.

Subscribe në YouTube: GAZETA INFOKUSI