Lajme

Sekuestrohen 1 mijë e 600 litra tretës në Mitrovicë, kishin hyrë nga Serbia

Autori: Gazeta inFokus 15:04 | 15 September 2022

Policia njofton për pranimin e informacioneve inteligjente se nga Serbia është futur mall i kontrabanduar në veri të Republikës së Kosovës. Dje policia në fshatin Vinarc të Mitrovicës ka lokalizuar automjetin transportues me të cilin dyshohej se po bartej malli i kontrabanduar.

Policia njofton, se drejtuesi i automjetit gjatë tentimit të shmangies nga policia ka dalë nga rruga dhe ka braktisur automjetin në të cilin janë gjetur mbi 1 mijë e 600 litra tretës.

“Gjatë kontrollit të automjetit është gjendur tretës i llojeve të ndryshme me peshë të përgjithshme prej: 1648  (njëmijë e gjashtëqind e dyzet e tetë) litra”, thuhet në njoftimin e policisë.

-Advertisement-

Automjeti së bashku me mallrat ilegale janë sekuestruar nga policia në Mitrovicë dhe pastaj i është dorëzuar Doganës së Kosovës.

“Rasti është duke u trajtuar nga zyrtarë të Doganës së Kosovës”, thuhet në njoftim.

Subscribe në YouTube: GAZETA INFOKUSI
Intervistë: Dr. Gorazd Konjanovski – Klinika Zhan Mitrev ka luajtur një rol kyç në vendosjen e themeleve në kardiokirurgji dhe…

Të tjera

Fokusi

lajme