Sport

Sedorf dhe Kluivert do të drejtojnë Kamerunin

Autori: Gazeta inFokus 07:57 | 06 August 2018

Pas përfundimit të aventurës së vështirë në La Liga, ku me ekipin e tij Deportivo la Coruna ra nga kategoria, e ardhmja e Clarence Seedorf do të jetë ne Afrikë. Ai u zyrtarizua si tranjeri i ri i Kamerunit.

Në të kaluarën hollandezi ka qenë shumë pranë dhe stolit të Shqipërisë, por zgjedhja e federatës në atë periudhë shkoi për Christian Panuccin. Zgjedhja e parë për Kamerunin ishte ish-tranjeri i Anglisë Sven Goran Eriksson, por që nuk u gjet një marrëveshje dhe më pas u arrit akordi me Seedorf.

I lindur në vitin 1976, 4 herë fitues i Champions League me 3 ekipe të ndryshme, në të kaluarën 42 vjecari ka drejtuar stolin e ish-ekipit të tij Milanit, kinezëve të Shenzhen dhe Deportivo La Corunjës. Zyrtarizimi u bë nga ministri i sporteve të Kamerunit, i cili bëri të qartë se Seedorf do të ketë të paktën 1 vit për të përgatitur skuadrën para Kupës së Afrikës që do të zhvillohet pikërisht në Kamerun, në qershorin e 2019.

-Advertisement-

Nuk janë bërë të ditura detaje për kontratën që dy palët kanë firmosur. Zëvëndës tranjer i Kamerunit do të jetë një tjetër legjendë e futbollit hollandez, Patrick Kluivert.

Subscribe në YouTube: GAZETA INFOKUSI