Sport

Schalke fiton edhe në transfertën e Mainzit, shkëputet si e dyta e Bundesligës

Autori: Gazeta inFokus 07:16 | 10 March 2018

Gjermanëve të Schalke 04 u ka mjaftuar një gol i shënuar nga Caligiuri në pjesën e dytë, për të rrëmbyer 3 pikët e radhës e për t’u shkëputur në vendin e dytë të renditjes së Bundesligës, pa kërcënuar gjithsesi kryesuesit e Bayern Munchen.

Humbja në shtëpi përballë “mbretërorëve” bardhekaltër, e lë Mainzin nga ana tjetër në vendin e 16 të klasifikimit, në kuotën e 25 pikëve, po aq sa ka edhe Wolfsburgu që momentalisht është i shpëtuar, por do të luajë ndeshjen e radhës ditën e shtunë.

Zona “Champions” dhe mbijetesa janë ato që diskutohen më shumë në Bundesligë, duke parë arratinë e gjigantëve bavarezë, me Mainzin që do t’i duhet të luftojëshumë deri në fund të sezonit për të shpëtuar, ose përndryshe do të luajë në ndeshjet “play off” me të tretën e kategorisë së dytë.

-Advertisement-