Fillimi i vitit të ri shkollor ka filluar së mbari. Të paktën kështu vlerësojnë nga Sindikata e Bashkuar e Arsimit, Shkencës dhe Kulturës së Kosovës, shkruan Gazeta Infokus.

Kryetari i kësaj Sindikate, Rrahman Jashari, në një prononcim për Gazetën Infokus tha se kemi një fillim të mbar të vitit të ri shkollor.

“SBASHKU me qëllim që të ketë informacione nga dora e parë mbrëmë ka mbajtur një takim nga larg me kryetarët e nivelit komunal sindikal, të cilët duke vlerësuar fillimin e vitit të ri shkollor shumica prej tyre kanë theksuar se kemi një fillim të mbar të vitit të ri shkollor. Gjithashtu është vërejtur në ditë të tëra se edhe drejtoritë arsimore kanë bërë përgatitje dhe kanë pasur angazhime të shtuara në mënyrë që institucionet arsimore të jenë të përgatitura”, tha Jashari për Gazeta Infokus.

Ai në këtë prononcim ngriti edhe çështjen e mësimdhënësve me sëmundje të rënda kronike dhe shtatzënave, që të ketë një zgjidhje së paku të përkohshme që ata të lirohen nga procesi mësimor.

“Edhe në ketë takim kryetarët kanë ngritur çështjen e kolegëve tanë me sëmundje të renda kronike, duke kërkuar që Qeveria e Kosovës të gjejë një zgjidhje së paku të përkohshme që ata të lirohen nga procesi mësimore. Sëmundjet e tyre e kanë bërë të veten dhe këta njerëz edhe përkundër dëshirës nuk mund të japin as për afërmi atë që kërkohet nga ta në procesin mësimor dhe SBASHKU insiston që te behet një zgjidhje gjersa ligji për skema pensionale te ketë një aneks shtesë për një zgjidhje afatgjatë për ta”, shtoi Jashari.

Lidhur me këtë ai shtoi se qeveria në vendimin e fundit të qeverise nuk e thekson vendimin e ri që grat shtatzëna të obligohen nga paraqitja e tyre në punë.

“Neve na është thënë nga zëvendëskryeministri, Dukagjin Popovci se vendimi i fundit i Qeverisë lidhur me masat Covit-19, nuk e thekson vendimin e ri që grat shtatzëna obligohen nga paraqitja e tyre në punë. D.m.th. në shkollat tona kemi pasur në ditën e parë edhe koleget tanë me sëmundje të renda kronike sepse ata nuk mund të rrinë në shtëpi pa pasur ndonjë vendim të Qeverisë që ata lirohen nga procesi mësimore”, shtoi Jashari për Infokus

Ai theksoi se mësimdhënësit janë të detyruar që të shkojnë në shkollë për ta ruajtur vendin e tyre të punës dhe kafshatën e gojës për ta dhe fëmijët e tyre.

“Ne mendojmë se është obligim moral edhe njerëzor i Qeverisë edhe MAShTI-të që ta gjejë një zgjidhje për ta. Ata po janë të detyruar që të shkojnë në shkollë për ta ruajtur vendin e tyre të punës dhe kafshatën e gojës për ta dhe fëmijët e tyre. Ne insistojmë dhe do te insistojmë madje i kemi dërguar letër edhe Kryeministrit Albin Kurtit, me lutjen që ai ta ngritë këtë çështje në Qeveri që të gjendet një zgjidhje e përkohshme për këtë”, deklaroi Jashari, /Gazeta Infokus/

UNI-Universum International College rankohet me sukses në Times Higher Education Impact Rankings 2024

Sponsoruar