Sport

Salah, 20 gola në të gjitha garat – sezoni më i mirë në karrierë

Autori: Gazeta inFokus 13:32 | 19 December 2017

20 gola në 26 paraqitje, Salah po shijon sezonin më të mirë në karrierë.

Sulmuesi i Liverpoolit, Mohamed Salah, është duke shijuar sezonin më të mirë në karrierë dhe kjo falë adaptimit të shpejtë në Liverpool, ku u transferua gjatë verës nga Roma.

Në 26 paraqitje në të gjitha garat këtë edicion, Salah ka shënuar 20 gola – sezoni më i mirë në aspektin personal, një gol më shumë se edicionin 2016/17 (19 gola), që konsiderohej më i miri.

-Advertisement-

Synimi i Salah tani është të thyejë rekordin personal të golave në Ligë. Aktualisht ka shënuar 14, aq sa në sezonin 15/16 me Romën dhe synon atë të sezonit 2016/17 po ashtu me klubin italian, ku kishte realizuar 15 gola.

Salah është vetëm një gol larg dhe duke parë formën që po kalon dhe ndeshjet e shumta që kanë mbetur, ky do të jetë sezoni më i mirë në karrierën e egjiptianit që do të luajë edhe në Kupën e Botës në Rusi në vitin 2018.

https://www.youtube.com/watch?v=OQe0_RcDU2c

Subscribe në YouTube: GAZETA INFOKUSI