Lajme

Rrotullohet me traktor, humb jetën një i mitur

Autori: Gazeta inFokus 10:23 | 12 January 2018

Një mitur ka gjetur vdekjen ndërsa një tjetër ka marrë lëndime pasi janë vetëaksidentuar me traktor dje rreth orës 15:00 në fshatin Bllacë të Suharekës.

Sipas Policisë së Kosovës i mituri ishte duke drejtuar traktorin derisa ka humbur kontrollin mbi mjetin, transmeton Infokusi.com.

Vdekja është konstatuar nga ekipi mjekësor dhe me urdhër të prokurorit trupi i pa jetë është dërguar në Institutin e Mjekësisë Ligjore për obduksion.

-Advertisement-

Policia e Kosovës ka njoftuar se rasti është ende duke u hetuar.

“Fshati Bllacë, Suharekë, më 11.01.2018-14:50. Një mashkull K/Shqiptar i moshës së mitur, gjersa ishe duke drejtuar traktorin, ka humbur kontrollin mbi mjetin dhe është vet-aksidentuar. Si pasojë drejtuesi kishte pësuar lëndime vdekjeprurëse, ndërsa një pasagjer kishte pësuar lëndime të lehta trupore. Vdekja është konstatuar nga ekipi mjekësor dhe me urdhër të prokurorit trupi i pa jetë është dërguar në Institutin e Mjekësisë Ligjore për obduksion. Rasti është duke u hetuar.”/INFOKUSI

Subscribe në YouTube: GAZETA INFOKUSI