Sport

Rron Broja tregon objektivin e Dritës për ndeshjen ndaj Ulpianës

Autori: Gazeta inFokus 18:05 | 14 October 2021

Futbollisti i skuadrës së Dritës, Rron Broja, ka dalë në konferencë për media para ndeshjes me Ulpianën, që do të zhvillohet në kuadër të xhiros së nëntë në Superligë, shkruan Gazeta inFokus.

Broja ka thënë se kanë punuar mirë në këto dy javë, duke shtuar se pavarësisht se nesër i pret një ndeshje e vështirë ata do të hynë për tu kthyer te fitorja.

“Kemi punuar mirë në këto dy javë dhe kemi punuar në shumë aspekte që të përmirësohemi sa më shumë. Nesër na pret një ndeshje e vështirë kundër një skuadre e cila mbrohet, por edhe sulmon mjaft mirë. Por, besoj se ka ardh moment që ta tregojmë kualitetin që e kemi dhe të rikthehemi te fitorja dhe aty ku e kemi synimin”, deklaroi Broja.

Ndeshja mes Ulpianës dhe Dritës zhvillohet të premten nga ora 13:00 në stadiumin ‘Sami Kelmendi’ në Lipjan./Gazeta inFokus/

Të tjera