Lajme

Rritja ekonomike sipas qeverisë, reagon Haradinaj: Albin, mos e ofendo popullin

Autori: Gazeta inFokus 14:15 | 10 October 2022

Kryetari i Aleancës për Ardhmërinë e Kosovës Ramush Haradinaj ka reaguar ndaj shifrave dhe milionave të prezantuara nga Qeveria Kurti që janë investuar gjatë qeverisjes së tij.

Ai ka thënë se rritja ekonomike sipas Bankës Botërore është 3.1% e jo siç e ka projektuat Kurti në 10.5%.

Inflacioni sipas Haradinajt, bazuar raportit të Bankës Botërore, është 19.1%.

-Advertisement-

“Kjo i bjen se fuqia blerëse e qytetarit të Kosovës, është përgjysmuar.S’ka si të jetë ndryshe, kur janë shtrenjtuar gjithë artikujt e domosdoshëm për jetesë, e qeveria e ka bllokuar Ligjin e Pagave! E ka bllokuar edhe ndërtimin e kapaciteteve të reja energjetike, siç ishte “Kosova e Re” dhe gazsjellësi amerikan, me arsyetime qesharake, se megavati prej 80 eurove i dukej i shtrenjtë, e sot, çmimi i tij pothuajse është dhjetfishuar”, ka shkruar Haradinaj.

Sipas tij nga 706 milionë të planifikuara me buxhetin e shtetit për investime kapitale, janë realizuar vetëm një e dhjeta e tyre.

“Rritje kanë shënuar vetëm importet e mallrave nga Serbia. Kjo qeveri e ka kapërcyer çdo parashikim dhe importet nga Serbia prej 174 milionë në vitin 2020, kanë mbërritur në mbi 306 milionë euro, që është për 76 % më shumë nga viti paraprak. Prandaj deklaratat për rritje ekonomike, pa fakte, janë ofendim për një vend e për një popull të tërë!”, ka thënë kryetari i AAK-së.

Subscribe në YouTube: GAZETA INFOKUSI
Nis bashkëpunimi serioz dhe strategjik midis Comodita dhe JYSK International

Të tjera

Fokusi

lajme