Lajme

Rritja e çmimit të sigurimit të automjeteve ka rënduar shportën e konsumatorëve

Autori: Gazeta inFokus 07:33 | 12 December 2019

Rritja e çmimeve të sigurimit të automjeteve ka ndikuar që shporta e konsumatorit të rëndohet për 0.1 për qind gjatë muajit nëntor krahasuar me muajin paraprak. Kjo ka ndikuar që çmimet e konsumit të ngrihen për 0.2 për qind.

Rritja më madhe e çmimeve, sipas Agjencisë së Statistikave të Kosovës, është në raport me periudhën e njëjtë të vitit paraprak, shkruan sot “Koha Ditore”.

Gjatë muajit nëntor pati rritje të çmimeve për produktet bazike, siç janë qumështi, djathi, vezët, pemët dhe perimet. Për këto produkte qytetarët kanë paguar për nga 2.2 deri në 3 për qind më shumë sesa muajin paraprak.

-Advertisement-

Sipas të dhënave të Agjencisë së Statistikave, të publikuara të mërkurën, kjo rritje kryesisht është shpjeguar me ngritjen e çmimeve të konsumit të qumështit, djathit dhe vezëve me 2.2 për qind, perimeve me 3 për qind, sigurimet me 19.5 për qind, ku në këtë pjesë përfshihet edhe rritja e çmimeve të sigurimit të automjeteve prej 26 për qind.

Subscribe në YouTube: GAZETA INFOKUSI
Etiketa:
Comodita në Gjermani shpalos koleksionin e produkteve të reja në panairin Heimtextil në Frankfurt

Të tjera

Fokusi

lajme