Rritet vlera e pasaportës së Kosovës për serbët

Autori: Gazeta inFokus
13:14 | 13 October 2022
Lilana nga Graçanica, komunë me shumicë serbe afër Prishtinës, beson se të gjithë kanë të drejtë të udhëtojnë lirisht dhe për këtë arsye ajo mirëpret heqjen e mundshme të regjimit të vizave për Kosovën.
“Kjo do të ishte mirë për të gjithë, si për ne, serbët, ashtu edhe për shqiptarët që jetojnë këtu në Kosovë”, vlerëson Lilana.
Ajo është vetëm një prej qytetarëve nga komuniteti serb, me të cilët ka biseduar Radio Evropa e Lirë, të cilët “i gëzohen sinqerisht udhëtimit të lirshëm, pa pasur nevojë të presin në radhë për vizë”.
Qytetarët e Kosovës janë të vetmit në Ballkanin Perëndimor që nuk mund të lëvizin lirshëm në zonën Shengen, por kësaj radhe kanë shpresë se diçka e tillë mund të ndryshojë, sepse Grupi Punues i Bashkimit Evropian (BE) për viza do të diskutojë për herë të parë, më 13 tetor, lidhur me propozimin për heqjen e regjimit të vizave për ta.
Përderisa qytetarët nga radhët e shumicës shqiptare janë pak më skeptikë për këtë çështje, serbët e Kosovës janë optimistë.
Ndonëse kanë të drejtën për t’u pajisur me pasaportë të Serbisë, e cila e ka marrë liberalizimin e vizave në vitin 2009, serbët e Kosovës ka kohë që nuk po pajisen me të, duke thënë se ajo është “pa vlerë”.
Në fakt, Beogradi zyrtar nuk ua lëshon të njëjtën pasaportë serbëve që jetojnë në Kosovë sikurse atyre që jetojnë në Serbi, por ky dokument udhëtimi lëshohet nga Drejtoria Koordinuese e Ministrisë së Punëve të Brendshme të Serbisë dhe me të nuk është i mundshëm udhëtimi pa viza.
Liberalizimin e vizave për Kosovën e mirëpret edhe Slagjana, po ashtu nga Graçanica, një nga gjashtë komunat me shumicë serbe në jug të Ibrit.
“Shpresoj që më në fund edhe ne (do të mund të udhëtojmë pa viza), pasi ne serbët (nga Kosova) nuk mund të kemi pasaporta pa viza sikurse banorët e Serbisë. Liberalizimi është një përparim i madh për të gjithë popullatën, për një jetë normale, që më në fund të ndodhë diçka e mirë për ne, pavarësisht nga kombësia jonë”, thotë Slagjana, e cila megjithatë na kërkoi që të mos i përmendet mbiemri.
Ngjashëm shprehet edhe Strahinja, 20-vjeçar, i cili planifikon të “udhëtojë nëpër botë”.
“Është e nevojshme të udhëtosh nëpër botë, sepse jeta këtu (në Kosovë) është e mërzitshme. Është mirë të jetosh këtu, por mërzitesh, gjithçka është njësoj…duhet ta shohësh pak botën”.
Me të pajtohet edhe Stefan Stojanoviq nga Parteshi, komunë me shumicë serbe në rajonin e Anamoravës, në Kosovë. Ai është drejtues i organizatës rinore joqeveritare “Socrat” dhe beson se liberalizimi i vizave për Kosovën do të jetë mjaft i dobishëm për të rinjtë.
“Besoj se, nëse këtë herë arrijmë ta marrim atë liberalizim, mendoj se do të thotë shumë për të gjithë të rinjtë në fushën e arsimit dhe karrierës, por edhe nga këndvështrimi i turizmit”, thotë ai.
Stefan thekson se ka shumë persona që kanë pasaporta të Kosovës dhe Serbisë, por beson se nëse Kosova merr liberalizimin e vizave, gjithnjë e më pak prej tyre do ta marrin pasaportën e Serbisë.

Të tjera
-
Vra* sja e 58-vjeçarit në Vlorë, bashkëjetuesja rrëfen ngjarjen
Klodiana Rakipaj, bashkëjetuesja e 58 vjeçarit Renato Hoxhaj, i cili u vra më...
-
Dedaj: Albin Kurti nuk i ka votat as për Kuvend, as për Qeveri – po e maltreton qytetarin me 57 vota
Ish-ambasadori i Kosovës, Gjergj Dedaj, ka reaguar ashpër pasi në Kuvendin e ...
-
Ia vodhën në oborrin e shtëpisë në Zubin Potok, pronari e gjen veturën në Serbi
Një qytetar nga Zubin Potoku më datën 20 prill kishte njoftuar se vetura e ti...
-
Safet Gjici bën ankesë pas refuzimit të kërkesës për lirim të parakohshëm
Ish-kryetari i Bashkisë së Kukësit, Safet Gjici, ka ankimuar në Gjykatën e Ap...
-
Gjykata hedh poshtë një pjesë të aktakuzës ndaj Nagip Krasniqit, veprat e tjera ri-kualifikohen
Gjykata Themelore në Prishtinë ka marrë vendim, me të cilin ka aprovuar pjesë...
-
Kush do të jetë Papa i ri? Numërimi prapa nis më 7 maj
Pas ndarjes nga jeta të Papa Françeskut më 21 prill, kardinalët katolikë kanë...
-
Prokurori special konfirmon se Gjykata Themelore ka lëshuar urdhërarrest ndaj Radojiçiq dhe 19 serbëve tjerë
Gjykata Themelore në Prishtinë ka lëshuar urdhërarrest ndaj Millan Radoiçiqit...
-
BIK: Në haxh veç përmes neve ose ju presin gjoba atje
Bashkësia Islame e Kosovës ka njoftuar se kush do që ia mësyen haxhit duk...
-
E dhimbshme: Sot i jepet lamtumira e fundit 15-vjeçares që vdiq mbrëmë tragjikisht në Skenderaj
Në moshën vetëm 15-vjeçare, Rahime Geci ka ndërruar jetë më 27 prill 2025, ra...
-
Putin shpall armëpushim në Ukrainë
Presidenti rus Vladimir Putin ka shpallur një armëpushim për të shënuar 80-vj...
-
Tragjedia e Koçanit, familjet e të ndjerëve nesër protestojnë në Shkup
Familjet e të ndjerëve nga tragjedia e Koçanit nesër do të organizojnë një pr...
-
Bedri Hamza debat me Faruk Mujkën, i thotë se “po flet paushall”
Kuvendi komunal i Mitrovicës së Jugut, po diskuton dhe voton për hartën zonal...