Lajme

Rritet numri i vizitorëve në hotelet e Kosovës, vetëm në qershor mbi 70 mijë turistë

Autori: Gazeta inFokus 14:44 | 07 August 2026

Agjencia e Statistikave të Kosovës (ASK) ka publikuar statistikat e hotelerisë për muajin qershor 2026, të cilat tregojnë një rritje të numrit të vizitorëve dhe net-qëndrimeve krahasuar me të njëjtën periudhë të vitit të kaluar, shkruan Gazeta Infokus.

Sipas ASK-së, gjatë muajit qershor 2026, hotelet në Kosovë kanë regjistruar gjithsej 70.234 vizitorë, prej të cilëve 28.638 ishin vizitorë vendorë, ndërsa 41.596 vizitorë të huaj. Krahasuar me qershorin e vitit 2025, kur ishin regjistruar 63.502 vizitorë, numri i përgjithshëm i vizitorëve është rritur për 10,6 për qind.

Edhe numri i net-qëndrimeve ka shënuar rritje. Gjatë qershorit janë regjistruar 163.739 net-qëndrime, ku 85.783 ose 52,4 për qind i përkasin vizitorëve të huaj, ndërsa 77.956 ose 47,6 për qind vizitorëve vendorë.

-Advertisement-

Sa i përket turistëve të huaj, ASK njofton se numri i tyre është rritur për 5,2 për qind në krahasim me qershorin e vitit 2025.

Shteti nga i cili ka ardhur numri më i madh i turistëve mbetet Shqipëria, me 7.628 vizitorë, ose 13 për qind më shumë se një vit më parë. Vizitorët nga Shqipëria kanë realizuar 16.644 net-qëndrime, duke shënuar një rritje të ndjeshme prej 41,9 për qind.

Rritje të konsiderueshme është regjistruar edhe te turistët nga Turqia, të cilët arritën në 3.979 vizitorë, ose 36,4 për qind më shumë krahasuar me qershorin e vitit 2025. Net-qëndrimet e tyre u rritën edhe më shumë, duke arritur në 7.989, që përfaqëson një rritje prej 72,1 për qind.

Ndërkohë, numri i vizitorëve nga Zvicra u rrit me 2 për qind, duke arritur në 3.121 vizitorë, ndërsa net-qëndrimet e tyre u rritën për 7,3 për qind, në 5.143.

Nga Gjermania u regjistruan 4.300 vizitorë, një rënie e lehtë prej 1,5 për qind krahasuar me një vit më parë. Megjithatë, net-qëndrimet e turistëve gjermanë u rritën me 5,5 për qind, duke arritur në 8.206.

 

Teknologjia në kuzhinë nuk është vetëm çështje komoditeti, por edhe kohe: Njihuni me pllakën inovative me induksion Miele KM 8000!
-Advertisement-

T� tjera

Ky website përdor cookies. Duke vazhduar përdorimin, ju pranoni përdorimin e tyre.

Privacy policy