Të thirrur nga sindikatat, protestuesit francezë kanë vërshuar në rrugët e Parisit, Marseille-es e qyteteve të tjera të vendit me thirrjet për rritje rroge, ndërsa një grevë e përgjithshme u organizua në nivel kombëtar duke shkaktuar ngërçe të lëvizjes në linjat hekurudhore dhe bllokim të mësimit në shkolla.

Gati 200 mitingje u zhvilluan sipas shoqatës së majtë sindikaliste CGT, sipas të cilës rreth 40,000 punonjës u bënë pjesë e protestës në kryeqytet, e mijëra të tjerë iu bashkuan kësaj nisme në rajone të tjera të vendit. Çmimet e larta, pagat e pakënaqshme sidomos në arsim dhe reforma e propozuar nga qeveria për pensionet, e cila mund të rrisë moshën e daljes në pension nga 62 që është aktualisht në 65 vjeç, kanë shtyrë francezët të dalin në rrugë. Për shumë atje, kjo është e papranueshme.

“Ne nuk duam të negociojmë për moshën e pensioneve”, thotë drejtuesi i CGT, Philippe Martinez. Francezët nuk duan të punojnë më gjatë, theksoi ai.

“Mesazhi ynë është ky: Rrogat duhet të rriten. Ligji për fuqinë blerëse nuk zgjidh asgjë, po e shohim tek kompanitë, pavarësisht bonuseve, punonjësit kërkojnë që paga t`u shtohet. Këtë i themi qeverisë: Rrisni pagat, jo moshën e pensioneve”- tha ai.

Protestuesve iu bashkua dhe Louis Boyard, deputeti i ekstremit të majtë nga partia La France Insoumise.

“Diçka po ndodh në këtë vend, gjithçka po shkatërrohet. Shërbimet publike po shemben, familjet janë varfëruar, ka ndërprerje të energjisë elektrike, njerëzit nuk përballojnë dot rritjen e çmimeve. Cilado qoftë lufta jonë, ne jemi këtu së bashku për të thënë se jo, nuk duam ta lëmë këtë gjë të kalojë në heshtje, sepse Macroni nuk ka legjitimitetin politik të realizojë projektin që dëshiron. vetëm të bashkuar, mund të kemi sukses.”

“Këtë mëngjes kur u zgjova, pata një problem të vogël matematikor: pyeta veten, me më shumë se 2 miliardë e 500 milionë euro, sa xhaketa dhe kërcyese bën kjo? Dhe xhaketat e poshtme? Janë dividentët që do të marrin aksionerët e Totalit. merrni ndërsa sot keni njerëz që janë të uritur, që kanë vështirësi të mbarojnë bukën e gojës, që kanë probleme me energjinë dhe ndërsa keni të tjerë që po gllabërojnë veten e tyre”– shprehet Jerome Rodrigues.

Ndërkohë që sindikatat demonstrojnë, partia e majtë, socialistët dhe ekologjistët kanë bërë thirrje që më 16 tetor të zhvillohet një “Marshim kundër shtrenjtimit të jetesës dhe mosangazhimit në krizën e klimës”.

BKT Kosova vlerësohet për herë të tretë "Banka e Vitit 2023 në Kosovë" nga The Banker

Sponsoruar