Lajme

Rrëmbimi i qytetarëve serbë në veri, Policia e Kosovës del me komunikatë

Autori: Gazeta inFokus 19:21 | 21 December 2022

Policia e Kosovës ka dalë me një reagim pas rrëmbimeve të fundit të qytetarëve serbë që po raportohen se po ndodhin në veriun e Republikës së Kosovës.

Përmes një komunikate për media, Policia e Kosovës ka thënë se po i trajton me seriozet rastet.

“Kërcënimet dhe rrezikimi i sigurisë së qytetarëve në pjesën veriore të Republikës së Kosovës, ka krijuar rrethana të domosdoshme në ngritjen e kapaciteteve policore në menaxhimin e situatës së sigurisë dhe parandalimin e aktiviteteve kriminale. Në funksion të kësaj përveç angazhimeve aktive, janë vendosur edhe pika kontrolli të automjeteve nëpër qytete dhe akse rrugore.

-Advertisement-

Ditëve të kaluara ka pasur informacione, raportime dhe publikime në media lidhur me rrëmbimin, rrahjen dhe keqtrajtimin e disa qytetarëve serb nga pjesëtarë të strukturave kriminale në pjesën veriore të Republikës së Kosovës”.

Në njoftim thuhet se Policia Kosovës janë duke trajtuar me seriozitet këto informata dhe janë duke i ndërmarr veprimet e nevojshme hetimore për zbardhjen e tyre.

“Policia e Kosovës, falënderon qytetaret për bashkëpunimin e vazhdueshëm ofrimin e informatave të rëndësishme për adresimin efikas të këtyre veprimeve kriminale që si tendencë kanë krijimin e panikut dhe frikës tek qytetarët e vendit tonë”.

Subscribe në YouTube: GAZETA INFOKUSI