Lajme

Rregulla të reja për punëtorët në Gjermani

Autori: Gazeta inFokus 12:34 | 20 November 2021

Punëtorët e shumtë në Gjermani po i pret rregulla e re në vendin e punës nga dita e mërkure, 24 nëntor.

“Për të mbrojtur më mirë punonjësit, 3G do të aplikohet në vendin e punës nga 24 nëntori”, njoftoi Ministria Federale e Punës.

Ministria Federale e Shëndetësisë konfirmoi gjithashtu se rregulli i planifikuar 3G në trafik dhe testimi i detyrueshëm në shtëpitë e të moshuarve në të gjithë vendin gjithashtu duhet të hyjë në fuqi sot.

-Advertisement-

Një zëdhënëse e Ministrisë së Punës tha se hyrja në fuqi e vendimit varet kur ai do të nënshkruhet nga presidenti federal. Sipas ligjit, ai hyn në fuqi një ditë pas nënshkrimit.

Zyra e Presidentit Federal njoftoi se me vlerësimin e kushtetutshmërisë, Ligji për Mbrojtjen nga Infeksionet pritet të hyjë në fuqi para mesit të javës së ardhshme.


Rregullat e reja nënkuptojnë se nëse “kontakti fizik” me të tjerët në kompani nuk mund të përjashtohet, qasja në vendin e punës duhet të jetë e mundur vetëm me dëshmi vaksinimi, shërimi nga COVID-19 ose një test negativ PCR, i cili duhet të bëhet çdo 48 orë. Gjithashtu, kompanitë duhet ta kontrollojnë punëtorin në baza ditore.

Në rastin më të keq, të gjithë ata që nuk duan të respektohen rregullat mund të pushohen nga puna. Të gjithë ata që vijnë në Gjermani dhe nuk janë vaksinuar, duhet të sjellin me vete prova të një testi të shpejtë negativ për coronavirusin.

Në të gjithë Gjermaninë, punonjësit dhe vizitorët duhet të lejohen gjithashtu të hyjnë në shtëpi pleqsh, klinika dhe ambiente për personat me aftësi të kufizuara vetëm me një test negativ ditor. Punëtorët e vaksinuar ose të shëruar mund të bëjnë gjithashtu vetë-teste ditore ose të bëjnë teste PCR dy herë në javë./Telegrafi

Subscribe në YouTube: GAZETA INFOKUSI
Etiketa:
Afati i fundit për regjistrime në programin MSc. Data Science & Analytics në UNI – Universum International College – Powered…
-Advertisement-

Të tjera

Fokusi

lajme