Lajme

Rrëfimi nga politika e Leposaviqit: Akuza, përleshje e plumba (Video)

Autori: Gazeta inFokus 21:44 | 07 June 2017

Vrimat e plumbave janë gjithandej zyrës së kryetarit të Leposaviqit, Dragan Jabllanoviq, pas një krize të madhe mbi pronësinë e ndërtesës ku ai kryen detyrën.

E gjitha kishte ndodhur kur nga i pari i Komunës më veriore të Kosovës, ishte kërkuar të lëshonte këtë hapësirë që u tha se ishte pronë e Komunës që funksionin me ligjet e Serbisë.

Krejt situata më pas kulmoi në këto ditët e fundit me intervenime policie, kacafytje mes serbëve e rafal automatikësh, në pikë të natës, akt të cilin direkt nuk dihet kush e ka kryer, njofton Klan Kosova.

-Advertisement-

Derisa situata për pronësinë e zyrës së tij është qetësuar, Draganit i ka dalë telashe me të birin, Aleksandrin, që po garon në zgjedhje parlamentare me subjektin e quajtur Partia e Serbëve të Kosovës.

Gjendja eskaloi të dielën e kaluar kur njerëzit e PKS-së dhe Listës Serbe u përleshën mes vete për, siç u tha, ngjitjen e posterëve të partive përkatëse.

Gjithë këto ngjarje në veri kanë një prapavijë të fortë politike.

Lista Serbe, e mbështetur nga Beogradi po do që të mbetet lider në elektoratin e kësaj pakice pas zgjedhjeve të 11 qershorit. Andaj e akuzon Jabllanoviqin e ri se formoi parti më direktiva të Prishtinës. /Klan Kosova/

Subscribe në YouTube: GAZETA INFOKUSI
Etiketa:
Presidenti i UNI z. Alejtin Berisha, folës mbi temën “Women’s Role in Artificial Intelligence Development” në DOKUTECH, edicioni i 11-të
-Advertisement-

Të tjera

Fokusi

lajme