Sport

Ronaldo rikthehet në Italia, pritet të futet 14 ditë në karantinë

Autori: Gazeta inFokus 13:01 | 05 May 2020

Cristiano Ronaldo ka lënë Madeirën dhe është kthyer në Itali. Ai ka ardhur së bashku me familjen tij në Itali, pas gati dy muajsh në ishullin e tij të lindjes.

35-vjeçari u shoqërua nga shoferi në aeroportin që mban emrin e tij, ku mori avionin privat. Mediat e huaja shkruajnë se Ronaldo u nis të hënën në mbrëmje më të dashurën e tij Georgina Rodriguez dhe katër fëmijët.

Për shkak të pandemisë Cristiano Ronaldo do të vendoset në karantinë për dy javë sipas rregullores.

-Advertisement-

Ronaldo pritej të kthehej në stërvitje në 18 maj, kur fillimisht klubet ishin planifikuar rikthimin. Por me vendim të qeverisë Italiane kjo datë u zhvendos me 4 maj pasi shumë rajone dhanë lejen për qendrat stërvitore të hapeshin përsëri.