Sport

Ronaldo ngushëllon Messin pas humbjes së babait

Autori: Gazeta inFokus 11:45 | 13 August 2026

Cristiano Ronaldo ka reaguar me një mesazh prekës ndaj Lionel Messit, pas vdekjes së babait të tij, Jorge Messi.

Pavarësisht rivalitetit të madh që kanë pasur ndër vite në fushën e futbollit, Ronaldo i shprehu ngushëllimet Messit në një moment të vështirë personal.

Në postimin e Messit për babain e ndjerë, Ronaldo ka komentuar me një mesazh të shkurtër, por emocional:
“Një përqafim i madh për ty dhe familjes tënde në këto momente të vështira, Leo. Shumë forcë.”

-Advertisement-

Mesazhi i Ronaldos ka marrë vëmendje të madhe, veçanërisht pasi ai erdhi në ditën kur portugezi kurorëzoi dashurinë e tij me Georgina Rodríguez.

Jorge Messi, babai dhe njëkohësisht ish-agjenti i Lionel Messit, ndërroi jetë në moshën 68-vjeçare në Rosario të Argjentinës.

Ronaldo e di mirë dhimbjen e humbjes së një prindi, pasi edhe ai e ka përjetuar një tragjedi të tillë.

Babai i tij, José Dinis Aveiro, ndërroi jetë në vitin 2005, kur Ronaldo ishte vetëm 20-vjeçar.

Pikërisht për këtë arsye, mesazhi i tij për Messin mund të shihet edhe si një gjest empatie dhe mirëkuptimi, pasi Ronaldo e njeh nga afër dhimbjen e humbjes së babait dhe vështirësinë për të vazhduar përpara pas një humbjeje të tillë.