Sport

Ronaldo ndryshon nga Messi, ja çfarë kërkon të shmangë në gjyqin e Madridit

Autori: Gazeta inFokus 12:33 | 21 January 2019

Sipas “El Mundo”, Cristiano Ronaldo i ka kërkuar zyrtarisht një favor Gjykatës së Madridit, që të mos paraqitet në audiencën para saj përmes hyrjes kryesore, në seancën për kundërvajtje tatimore, të martën. Ylli portugez i Juventusit, përmes një reference të shkurtër të nenit 17, kërkon që t’i lejohet qasja në ndërtesë përmes parkingut dhe çdo mënyre tjetër, që konsiderohet e përshtatshme nga gjykata, për të garantuar integritetin e tij fizik.

Mos harroni se vetë Leo Messi nuk pati të tilla pretendime, kur u paraqit në Gjykatën e Barcelonës, teksa po gjykohej për të njëjtën akuzë, në qershor 2016. I shoqëruar nga babai dhe vëllai i tij, Leo mbërriti në Gjykatën e Barcelonës me një furgon, i drejtuar nga një punonjës i Barcelonës dhe hyri në seancë përmes derës kryesorë të gjykatës, i shoqëruar nga pjesëtarët e sigurimit të klubit katalanas, në pritje të medias.

Sulmuesi i Juves do të ulet në stolin e të akuzuarit si fajtor për kryerjen e katër krimeve fiskale, siç quhen në Spanjë, për të cilat tashmë ka pranuar një dënim prej dy vitesh burg dhe disbursim të 18.8 milionë eurove ndaj organeve tatimore .

-Advertisement-

Më herët, Cristiano Ronaldos iu lejua të hynte përmes parkingut të gjykatës së shkallës së parë të “Pozuelo de Alarcón”, kur iu desh të paraqitej para gjykatësve më 31 korrik 2017. Atëherë, ish-sulmuesi i Real Madridit u pajtua të mbërrinte në gjykatë me një Mercedes me xhama të zinj, përmes parkingut, pa dashur të fotografohej e fiksohet nga kamerat dhe aparatët e medias.

Subscribe në YouTube: GAZETA INFOKUSI