Sport

Ronaldo kërkon pagë më të madhe, kjo është përgjigjja e Florentino Perez

Autori: Gazeta inFokus 16:47 | 20 December 2017

Cristiano Ronaldo ka kërkuar sërish rritje page nga Real Madridi, sidomos pas triumfit të ri në garën për futbollistin më të mirë në botë.

Transferimi i Neymar te PSG dhe kontrata e re e Lionel Messit te Barcelona e kanë lënë Ronaldon prapa në listën e më të paguarve në botë, realitet që portugezi nuk e pranon. Ai ka kërkuar menjëherë rritje prej 50 përqind të pagës, nga 21 në 30 milionë euro, për të barazuar shifrën që merr Messi.

Sipas mediave spanjolle, presidenti madrilen, Florentino Perez, ka telefonuar Ronaldon dhe e ka garantuar që në përfundim të stinorit do të marrë rinovimin bashkë me pagën që dëshiron. Porosia ka qenë me rëndësi sidomos para El Classicos, ndeshjes së rëndësishme kundër Barçës në Bernabeu, që vlerësohet si kruciale për gjasat e Realit për titullin në La Liga.

-Advertisement-

Kështu, duket se Ronaldo është pajtuar me këtë marrëveshje të përkohshme dhe pret që ajo të materializohet në fund të sezonit.

Subscribe në YouTube: GAZETA INFOKUSI