Sport

Ronaldo: Kam qarë çdo ditë te kjo skuadër

Autori: Gazeta inFokus 16:24 | 03 Tetor 2017

Ylli portugez, Cristiano Ronaldo ka treguar se si çdo ditë ka qarë sa ishte në Sporting, sepse ndjehej i vetmuar.

Cristiano Ronaldo ka treguar se periudha e tij në Sporting e ka bërë lojtarë dhe njeri shumë më të fortë.

Ai ka treguar se si kishte qarë çdo ditë, sepse familja e tij e vizitonte çdo katër muaj dhe ai ndjehej shumë i vetmuar.

“Kam qarë pothuajse çdo ditë në Sporting. Isha në Portugali, por ishte si të shkoja në një shtet tjetër. Aksenti im e bënte të vështirë gjuhën, kultura ishte ndryshe”, ka shkruar Ronaldo në letrën e tij për “The Players Tribune.”

-Advertisement-

“Nuk e njihja askënd, isha ekstrem i vetmuar. Familja ime e përballonte që të më vizitonte vetëm një herë në katër muaj. Më kanë munguar aq shumë dhe kisha shumë dhimbje”, vazhdoi ai.

Por, Ronalo tha se pavarësisht vështirësive, ai gjithnjë kishte besim se një ditë do të bëhej lojtari më i mirë dhe këtë ua kishte thënë edhe shokëve të tij kur ishte vetëm 15 vjeçar.