Sport

Ronaldo flet pas rikthimit në ‘Old Trafford’, bën një premtim të madh për tifozët

Autori: Gazeta inFokus 21:02 | 09 Shtator 2021

Cristiano Ronaldo pasditen e së martës është rikthyer në stadiumin ‘Old Trafford’ për tu prezantuar si lojtar i Manchester Unitedit, shkruan Gazeta inFokus.

Ylli portugez pas prezantimit ka folur për faqen zyrtare të klubit, duke thënë është rikthyer për të bërë histori dhe për ta ngritur Manchester Unitedit aty ku e meriton.

“Unë jam këtu për të bërë histori dhe për të vënë Manchester United aty ku meritojnë të jenë. Ne kemi kujtime të mira, por kjo është një kohë e re, brez i ri dhe unë jam këtu për të fituar përsëri”, tha fillimisht Ronaldo.

-Advertisement-

Me pas pesë herë fituesi i Topit të Artë foli edhe për moshën e tij, ku thekoi se është ndryshe nga njerëzit që kanë vjetët e tij.

“Njerëzit flasin për moshën [36 vjeç], por ata duhet të dinë që unë jam ndryshe. Unë jam ndryshe nga pjesa tjetër e njerëzve. Unë e tregoj [atë] gjatë gjithë kohës vit pas viti dhe këtë vit do të jetë e njëjtë”, deklaroi sulmuesi portugez.

Cristiano Ronaldo u rikthye në Manchester United pas 12 viteve, ku luajti për Real Madridin dhe së fundmi për Juventusin./Gazeta inFokus/