Sport

Ronaldo dhe Messi do të ulen së bashku në Santiago Bernabeu për ndeshjen River – Boca

Autori: Gazeta inFokus 17:06 | 04 December 2018

Në shenjë respekti për dy futbollistë që njihen si më të mirët në histori të këtij sporti, Cristiano Ronaldos dhe Lionel Messit u janë dhuruar biletat për shikuar ndeshjes mes River Plate dhe Boca Juniors në Santiago Bernabeu përkrah njëri-tjetrit.

Të paktën, ky është plani i presidentit të Real Madridit, Florentino Perez, i cili dëshiron ta shndërrojë këtë finale të Copa Libertadores, që zhvillohet të dielën, në një shfaqje futbollit.

Sipas të përditshmes spanjolle, AS, Konfederata e Futbollit të Amerikës së Jugut është pajtuar që Messi dhe Ronaldo të marrin trajtim më të veçantë në ndeshjen e kësaj fundjave.

-Advertisement-

Nëse Ronaldo e pranon këtë ftesë, atëherë do të jetë hera e parë që ai shkel në stadiumin Santiago Bernabeu qysh nga koha kur u transferua në Juventus për 112 milionë euro.

Ndeshja kthyese e finales së Copa Libertadores, mes Boca Juniors dhe River Plate, pritej të zhvillohej të shtunën në orën 21:00. Megjithatë, ajo u shty për të dielën në po të njëjtën orë, për shkak të incidenteve që u shkaktuan nga tifozët e River Plate, transmeton Gazeta Express.

Ndeshja nuk u zhvillua as të dielën, pasi që lojtarët e Bocas nuk ishin ende një gjendje mjaftueshëm të mirë shëndetësore për ta zhvilluar atë. Tani është vendosur që kjo ndeshje të zhvillohet të dielën, më 9 dhjetor, në Santiago Bernabeu.

Gjatë kohës kur autobusi i Boca Juniors po shkonte drejt stadiumin “Monumental”, u sulmua nga tifozët e River Plate, të cilët filluan ta gjuajë atë me gurë, duke i thyer të gjithë xhamat dhe duke i shkaktuar kështu disa lëndime lojtarëve që gjendeshin brenda.

Dy lojtarë të Bocas ishin dërguar në spital për të marrë trajtime, ndërsa disa të tjerë kishin vjellë në zhveshtore. Lojtarët thanë se nuk janë në gjendje mjaft të mirë shëndetësore dhe mendore për ta zhvilluar ndeshjen, e cila fillimisht ishte shtyrë për 2 orë.

Subscribe në YouTube: GAZETA INFOKUSI