Lifestyle

Romancë në zyrë? Si të sillesh në vendin e punës me kolegun/kolegen që ke fiksim

Autori: Gazeta inFokus 08:27 | 06 December 2022

Flirtimi mes dy punonjësve në një vend pune nuk është diçka e pazakontë. Por ka disa gjëra që duhet të dini nëse ndodheni në këtë situatë:

1.Kontrolloni politikën e kompanisë

Fillimisht lexoni Kodin e Punës së kompanisë, nëse marrëdhëniet mes punonjësve lejohen apo jo.

2.Nëse vendosni të vijoni lidhjen në fshehtësi, merrni përsipër risqet

Ndonjëherë të biesh në dashuri me dikë nuk është në dorën tuaj. Por çështja është që njerëzit në zyrën ku punoni do ta kuptojnë shpejt, që ka një energji mes jush. Në vend që të shkelni politikat e kompanisë, vlerësoni opsionet që keni. Mund të zhvendoseni në një tjetër departament ose në një kompani tjetër, para se të ndiheni nën trysni dhe të mos kryeni punën në mënyrën e duhur.

3.Nëse lidhjet mes punonjësve lejohen, flirtoni por me kufi

Mbani një komunikim më miqësor me personin që flirtoni, duke i ofruar një filxhan kafeje apo duke folur për ndonjë event. Por mos kaloni në gjëra që mund të trajtohen si shumë seksuale, pasi çdo gjë që thoni duhet t’i përputhet vendit të punës.

4.Lëreni romancën jashtë punës

Është më mirë që flirtimet dhe romancën ta lini për ta treguar jashtë zyrës së punës. Shijoni bashkë një pije në një lokal, ndërsa arsyeja e vërtetë është që të njihni më mirë njëri-tjetrin.

5.Nëse edhe personi tjetër ju pëlqen, provojeni

Nëse merrni shenja që dhe personi tjetër ka një simpati për ju, atëherë kapni shansin. Por duhet të keni parasysh që të dy do të gjendeni mes dy ambienteve: atë të punës dhe të jetës personale.

6.Nëse ndjenja s’është reciproke, hiqni dorë

Nëse personi që pëlqeni nuk dëshiron që të dalë pas pune me ju ose e kuptoni që nuk është i interesuar për ju, atëherë zmbrapsuni. Silluni në mënyrë miqësore me të, por gjithashtu jepini pak kohë.

Etiketa:

Të tjera

Fokusi

lifestyle