Lajme

Roja i ve zjarrin kopshtit, 4 fëmijë humbin jetën në Brazil

Autori: Gazeta inFokus 09:18 | 06 October 2017

Katër fëmijë dhe një edukatore kanë humbur jetën si pasojë e një zjarri, që përfshiu një kopsht fëmijësh në Brazil.

Zjarri u vu nga roja i kopshtit, një 50 vjeçar i quajtur Damiao Soares dos Santos, i cili u fut edhe vetë në ndërtesë dhe më pas humbi jetën në spital.

Ende nuk dihen arsyet e zjarr-vënies nga ana e rojës, ndërsa raportohet se fëmijët që humbën jetën ishin të gjithë të moshës katër dhe pesë vjeç.

-Advertisement-

Gjithashtu, edhe një grup tjetër fëmijësh janë duke u trajtuar intensivisht për shkak të plagëve të marra dhe shenjave të asfiksisë.

“U zgjova herët në mëngjes për të sjellë djalin në kopsht, por tani po e shikoj të vdekur në spital”, u shpreh e pikëlluar nëna e një djali katër vjeçar, që humbi jetën nga zjarri.

Subscribe në YouTube: GAZETA INFOKUSI