Fun & Video

I riu bëhet milioner pasi investoi në monedha virtuale (Ethereum)

Autori: Gazeta inFokus 18:20 | 23 Korrik 2017
Një 21 vjeçar nga Australia pati një goditje të pabesueshme fati, me një investim të harruar prej $2000 që tani vlen më shumë se një milion dollar.

Pavarësisht fatit të tij, ai po dëshiron që të ri-investojë pasurinë e tij dhe thotë se do të fillojë një biznes dhe do të udhëtojë botën.

Jordan Travers, që jeton në Melbourne, bleu monedha të internetit ‘Ethereum’ në vlerë prej $2000 katër vite më parë, transmeton Gazeta Express.

Ai harroi që kishte investuar derisa monedha pushtoi titujt e mediave botërore muajt e fundit, tha ai për Herald Sun.

-Advertisement-

“Artikujt thoshin se çmimi ishte 50 dollarë… kështu që mendova se investimi im origjinal do të vlente 20,000 dollarë ose kështu diçka”, tha ai.

Por sapo hyri në llogarinë e tij dhe e kontrolloi atë, ai zbuloi se kishte bërë një pasuri të madhe.

Si pronar i më shumë se 5000 monedhave “Ethereum”, ai tani kishte 260,000 dollarë. Ai i la paratë pa prekur dhe shikoi vlerën e tyre duke u rritur përsëri e përsëri.

Me rritjen e vlerës së monedhës, ai vendosi që ta nxirrte investimin e tij – që i solli atij 719,000 dollarë. “Isha ulur dhe po e shikoja ekranin, mbeta i habitur”, tha ai, transmeton Gazeta Express.

Si rezultat i suksesit të tij të papritur, Travers nuk e ka në plan të blejë shtëpi ose çfarëdo gjëje tjetër materiale.

“Do të udhëtoj. Do të filloj biznesin tim”, tha ai për gazetën.

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

fun-video

Ky website përdor cookies. Duke vazhduar përdorimin, ju pranoni përdorimin e tyre.

Privacy policy