Lajme

Rita Ora: Sot zgjodha të jem në vendin tim

Autori: Gazeta inFokus 15:32 | 17 February 2018

Këngëtarja me origjinë kosovare, Rita Ora në një konferencë për media në Prishtinë, ka thënë se me 17 shkurt do të mund të ishte në çdo vend të botës.

“Por, zgjidha të sjell tërë ekipin tim në Kosovë, në vendlindjen time”, ka thënë ajo.

Ajo tha se është e lumtur që do të këndojë në 10 vjetorin e pavarësisë së Kosovës, raporton Infokusi.com.

-Advertisement-

“Kam ardhur në Kosovë dhe sonte do ju jap shfaqjen më të mirë që kam bërë në ndonjë vend të Botës”, ka thënë ajo.

Që nga hera e fundit kur ishte në Kosovë, Rira Ora ka thënë se ka parë shumë ndryshime për aq kohë sa ka qëndruar nga mbërritja në Prishtinë.

“Njerëzit që unë njoh janë po të njëjtit dhe nuk kanë ndryshuar shumë, por kam parë shumë ndryshime në vend, nga zhvillimi në fusha të ndryshme, mediat e muzika”, ka thënë Rita Ora në konferencën për media para koncertit që do të mbajë në Prishtinë’

Këngëtarja e ka konfirmuar pjesëmarrjen në këtë koncert para afër një muaji.

Fillimisht ishte thënë se ajo nuk do të këndonte për shkak të një shume të parave që ishin kërkuar, por Qeveria më vonë e kishte sqaruar këtë rast.

Këngëtarja pritet që të dal para publikut kosovar sonte pas orës 22:00./INFOKUSI/.

Subscribe në YouTube: GAZETA INFOKUSI
Etiketa:
Prince Caffe pjesëmarrës në panairin “Gulfood Fair 2024” në Dubai
-Advertisement-

Të tjera

Fokusi

lajme