Lajme

Rinisin negociatat? Pas takimit me Donald Lu, flitet për dialog

Autori: Gazeta inFokus 12:15 | 02 May 2017

Pas takimeve në SHBA, kreu i Republikanëve, Fatmir Mediu zhvilloi nje takim per me shume se 30 minuta me ambasadorin amerikan në vendin tonë, Donald Lu. Dialogu mes palëve në kushtet aktuale politike në vend ka qenë në qendër të takimit me tyre.

Kreu i PR-së ka theksuar se dialogu është ajo për të cilën ka tashmë nevojë vendi.

“Të vazhdojmë dialogun, për të mirën e vendit. Nëse duam të mirën e vendit ka ende hapësirë për dialog”- ka thënë Mediu.

-Advertisement-

Duke folur për takimin, Mediu theksoi se takimi me Lu |nuk ka të bëjë as me kërkesën e zotit Lu për të hyrë në zgjedhje por si mundet që palët të zhvillojnë një dialog konstruktiv që në Shqipëri të ketë zgjedhje të lira dhe të ndershme”.

Sipas tij, “kjo është rruga më e arsyeshme që ne të vazhdojmë dialogun për të gjetur ato pika të komunikimit të përbashkët dhe të zgjidhjes që garantojnë zgjedhje të lira dhe të ndershme për qytetarët shqiptarë”.

Takimi mes tyre vjen në limitet e afatit për regjistrimin të opozitës në zgjedhje, pas thirrjes së kryeministrit Rama, drejtuar kryedemokratit Basha.

Dje, Mediu zhvilloi një takim me sekretarin e Përgjithshëm të Kryeministrsië, Engjëll Agaci, por pas takimit tha se “Në këto momente që po bisedojmë unë jam me gazetarit Lutfi Dervishi, nese doni të më bëni një foto. Unë jam fotografuar në një lokal tek shtëpia ime dhe mund t’ju them se Ëngjëlli dhe unë jetojmë në të njëjtin pallat, ndaj dhe pimë një kafe. Duhet të mos e pimë kafen tani si në kohen e komunizmit, se mos na prishet biografia? Nuk ishte asgjë, ishte një mik i përbashkët u ul ai më parë dhe pastaj ndejtëm dy minuta sëbashku”.

Ndërkohë që po dje deputeti i PD, Gert Bogdani deklaroi se opozita mund te futet ne zgjedhje edhe ne 16 korrik nese plotesohen standardet.

“Nuk ka vendim për bojkot zgjedhjesh por vendim për bojkot parlamenti. PD nuk e ka artikuluar ndonjëherë këtë gjë. Ne kemi thënë se kërkojmë qeveri teknike. Nuk kemi marrë vendimin për bojkot, vetëm kemi kërkuar zgjedhje të lira e të ndershme dhe nuk kemi thënë që nuk do të marrim pjesë në zgjedhje të tilla. Zgjedhje më 18 qershor nuk do të ketë. Por PD do të marrë pjesë nëse shtyhen, qoftë në 16 korrik ose më vonë dhe sigurohen standardet”, tha Bogdani.

Subscribe në YouTube: GAZETA INFOKUSI