Rinis gjykimi në rastin “Veteranët”, Çeku mbrohet para gjykatës, medieve u ndalohet publikimi i materialit
Autori: Gazeta inFokus 12:40 | 13 October 2020
Pas disa muajve të martën ka rinisur gjykimi në rastin “Veteranët”. Seanca nisi me një orë vonesë pasi trupi gjykues kishte probleme që të lidhej virtualisht me të akuzuari Fadil Shurdhaj, i cili këtë seancë e përcolli në këtë mënyrë për shkaqe shëndetësore.
Në procesin gjyqësor i njohur si “Veteranët” për keqpërdorim të pozitës apo autoritetit zyrtar po akuzohen ish-kryeministri i Kosovës, Agim Çeku, ish-ministri i Mbrojtjes, Rrustem Berisha, deputeti Shkumbin Demaliaj, si edhe nëntë persona të tjerë.
Ata po akuzohen për kohën sa ishin pjesë e Komisionit qeveritar për njohjen dhe verifikimin e statusit të dëshmorit të kombit, invalidit, veteranit, pjesëtarit dhe të internuarit të Luftës së UÇK-së.
Edhe gjatë kësaj seanca gjyqësore të gjithë të akuzuarit u deklaruan të pafajshëm, ndërsa me një dakordim të të gjitha palëve nuk u lexua aktakuza pasi që tashmë palët e përfshira janë të njoftuara për aktakuzën që ngarkohen të akuzuarit.
Në seancën e së mërkurës trupi gjykues ka ndaluar publikimin në medie të seancës së të akuzuarve në rastin “Veteranët”.
Këtë e arsyetoi kryetarja e trupit gjykues, Nushe Kuka-Mekaj, e cila tha se kjo po bëhet me qëllim që të akuzuarit tjerë mos të jenë në dijeni për përgjigjet e të akuzuarit gjatë dhënies së mbrojtjes së tij.
“Mediet dhe monitoruesit u ndalohet publikimi i dhënies së mbrojtjes të të akuzuarve derisa të përfundoj dhënia e mbrojtjes nga të gjithë në mënyrë që mos të ndikohet në këtë proces gjyqësor. E keni të qartë sepse arsyeja pse largohen nga salla është të mos ta kuptojnë të akuzuarit tjerë se çfarë i akuzuari po deklaron dhe pasi të jepet mbrojtja mund të publikohen ashtu siç e keni edhe me memorandumet e lidhura me KGJK-në“, theksoi Kuka-Mekaj.
I pari nga të akuzuarit që u ftua për ta dhënë mbrojtjen e tij ishte i akuzuari, Agim Çeku.
Ende pa filluar dhënia e mbrojtjes nga i akuzuari, Agim Çeku, kryetarja e trupit gjykues kërkoi që sallën e gjykimit ta lirojnë të akuzuarit tjerë.
“Do të vazhdohet shqyrtimi gjyqësor me dhënien e mbrojtjes nga të akuzuarit. Ftohet i akuzuari, Agim Çeku, ndërsa të gjithë të akuzuarit tjerë largohen nga salla. Meqenëse e kemi në agjendë seancën e shqyrtimit gjyqësor në vazhdim nesër dhe pasnesër pritja e të akuzuarve mbrojtësit do mbesin këtu, nuk do ishte etike që marr parasysh edhe gjendjen e pandemisë nuk do ishte etike që tërë ditën të rrini në objektin e Pallatit, mirëpo fillimisht do prisni më së paku një gjysmë ose të shohim se po shkon rrjedha me të akuzuarin”, tha ajo.
Gjykata Themelore në Prishtinë, më 19 qershor të vitit 2019, e kishte konfirmuar aktakuzën, ndërsa këtë vendim e kishte konfirmuar edhe Gjykata e Apelit në gushtin e këtij viti.
Listës së personave të akuzuar për rastin gjyqësor “Veteranët” i prinë Agim Çeku, pastaj Nuredin Lushtaku, Sadik Halitjaha, Shkumbin Demaliaj, Qelë Gashi, Shukri Buja, Ahmet Daku, Rrustem Berisha, Faik Fazliu, Smajl Elezaj, Fadil Shurdhaj dhe Xhavit Jashari.
Sipas Prokurorisë Speciale të Republikës së Kosovës nga provat e siguruara deri më tani është vërtetuar se nga pagesat e kundërligjshme për veteranët luftëtarë të UÇK-së, buxheti i Republikës së Kosovës është dëmtuar në shumë prej 68.153.533.14 euro.
Të tjera
-
Ngjarjet e datës 27 prill
Organizuar nga Zyra e Kryeministrit të Kosovës, Komisioni Qeveritar për Perso...
-
Ministria e Jashtme gjermane tregon për takimin me Kurtin
Zyra gjermane për Punët e Jashtme ka komentuar takimin që ka pasur ministrja ...
-
Osmani nesër me nderime te Memoriali për të Pagjeturit dhe për homazhe në Mejë
Presidentja e vendit, Vjosa Osmani, nesër do të bëjë nderime te Memoriali për...
-
Gjiganti zviceran “Lika Group” synon ta zbukurojë Prishtinën
Klanin mund ta kenë inspirim, që në Kosovë të fillojnë një ndërtim. Kompan...
-
Tërmeti me magnitudë 5.8 ballë godet Tajvanin
Një tërmet me magnitudë 5.8 ballë ka goditur Tajvanin. Tërmeti u regjistrua m...
-
Blinken: Kemi parë prova të përpjekjes së Kinës për të ndikuar në zgjedhjet e SHBA
Sekretari amerikan i Shtetit Antony Blinken tha se SHBA ka parë prova të përp...
-
Kurti: Kur vendet autoritare po kërcënojnë me largim, Kosova me meritë kërkon anëtarësimin në KiE
Kryeministri i Kosovës, Albin Kurti nëpërmjet rrjetit social Facebook, ka fol...
-
Ndërron jetë Bojan Tonçiq, gazetari serb që kundërshtoi Millosheviqin për luftën e Kosovës
Në moshën 57 vjeçare ka ndërruar jetë gazetari serb Bojan Tonçiq. Tonçiq d...
-
Abdixhiku në Hamburg këtë fundjavë, paralajmëron dy tubime
Kryetari I LDK-së, Lumir Abdixiku ka njoftuar për agjendën që do ta ketë gjat...
-
Sandulloviq-Hillit: “Duhet t’ju vijë turp nga vetja”
Politikani serb, Nikolla Sandulloviq, e ka postuar një fotografi në platformë...
-
Mbahet ceremonia e lidhjes me internet të shkollës së 100-të në Republikën e Kosovës
Ministria e Ekonomisë, përmes Projektit të Kosovës për Ekonomi Digjitale (KOD...
-
Departamenti amerikan i Shtetit demanton dyshimet e ngritura ndaj Escobarit
Pretendimi i ngritur nga Vudi [Vedat] Xhymshiti se Zëvendës Ndihmës Sekretari...