Lajme

Rihapet Qendra për Regjistrimin e Automjeteve në Zubin Potok që u dogj të shtunën

Autori: Gazeta inFokus 09:32 | 30 September 2021

Ministria e Punëve të Brendshme ka njoftuar se është rihapur Qendra për Regjistrimin e Automjeteve në Zubin Potok, të cilës iu vu flaka të shtunën, raporton Express

Në njoftimin e MPB-së bëhet e ditur se Qendra e Regjistrimit të Automjeteve është rihapur në objektin e stacionit policor në Zubin Potok.

“Pas sulmit në Qendrën e Regjistrimit të Automjeteve në Zubin Potok në objektin e komunës, Ministria e Punëve të Brendshme sot ka ri-hapur Qendrën e Regjistrimit të Automjeteve në objektin e stacionit policor në Zubin Potok”, thuhet në njoftim.

-Advertisement-

MPB ka bërë të ditur se puna në këtë qendër do të zhvillohet normalisht dhe është e gatshme nga sot t’iu ofrojë shërbime qytetarëve.

“Ky është një objekt i adaptuar për të ofruar shërbime të menjëhershme qytetarëve që kanë nevojë për të marrë shërbime, deri në funksionalizimin e plotë të objektit të Qendrës së Regjistrimit të Automjeteve, i cili u shkatërrua si pasojë e një sulmi kriminal, pas vendimit të Qeverisë së Kosovës me 20 shtator, për vendosjen e targave të përkohshme. Kjo është një ndërhyrje e shpejtë që kanë bërë zyrtarët e Agjencisë së Regjistrimit të MPB-së, në bashkëpunim me Policinë e Kosovës, m qëllim që qytetarët e kësaj zone të mos mbesin pa shërbime”, thuhet në njoftim.


Ndryshe, Qendra e Regjistrimit të Automjeteve në Zubin Potok është djegur të shtunën, nga persona ende të panjohur.

Po ashtu, të njëjtën ditë është sulmuar edhe Qendra e Regjistrimit Civil në Zveçan.

Subscribe në YouTube: GAZETA INFOKUSI
Etiketa:
Hapet shkolla e mesme profesionale në Qytetin e Ferizajit
-Advertisement-

Të tjera

Fokusi

lajme