Rozë

Rihanna, ylli më me influencë në botën e modës për 2017-ën

Autori: Gazeta inFokus 15:08 | 15 December 2017

Platforma e kërkimit mbi modën ”Lyst” ka kurorëzuar zyrtarisht këngëtaren Rihanna si femrën më të famshme më me shumë influencë për vitin 2017.

Çdo gjë që Rihanna prek kthehet në një gjë të shitur dhe kjo falë stilit të saj të guximshëm dhe unik që nxit shitjet e mëdha për markat e modës, transmeton kp.

Sipas të dhënave të analizuara nga ”Lyst”, nga 100 milionë kërkime, 80 milionë blerës në mbarë botën janë ndikuar nga veshjet e 29-vjeçares.

-Advertisement-

Duket sikur çdo gjë që ikona e muzikës vesh njerëzit e duan, duke lënë kështu në hije edhe Dukeshën e Kembrixhit, Kate Middleton.

Në fakt Middleton u rendit e pesta si femra më me influencë më 2017.

Pas Ririt në vend të dytë ishte këngëtarja Selena Gomez, në vend të tretë supermodelja Bella Hadid, ndërsa në vend të katërt u rendit rivalja e re mbretërore, Meghan Markle.

Subscribe në YouTube: GAZETA INFOKUSI