Poashtu ky organ filtron dhe përpunon gjakun që qarkullon brenda trupit prandaj edhe ndryshe quhet edhe “fabrika e gjakut”, sepse puna e saj është të eliminojë toksinat dhe papastërtitë nga gjaku.
Ushqimi i shpejtë është shumë i dëmshëm për organizmin pasi pengon efektivitetin e mëlçisë në pastrimin e helmeve dhe toksinave dhe zvogëlon aftësinë e absorbimit të lëndëve ushqyese, transmeton Klan Kosova.
Sipas ekspertëve shëndetësor, detoksifikimi i mëlçisë është diçka që të gjithë duhet të praktikojmë kohë pas kohe.
Duke bërë një detoksifikim të mëlçisë, ju jo vetëm që do të largoni helmet e dëmshme që janë grumbulluar në mëlçi, por gjithashtu përmirësoni absorbimin e proteinave.
Me fjalë të tjera, një detoksifikim i mëlçisë do të rrisë funksionimin e përgjithshëm të mëlçisë.
Receta natyrale e mëposhtme është jashtëzakonisht e dobishme për pastrimin e mëlçisë dhe ka vetëm disa përbërës.
Receta
Përbërësit:
Një grusht gjethe minti
Lëng limoni, lëvore limoni e grirë në rende
Lëng portokollai
1 l ujë të filtruar
Mjaltë të papërpunuar
Si ta përgatisni?
Lëreni ujin të vlojë dhe shtoni gjethet e mintit. Lëreni të ziejë edhe për pesë minuta.
Largojeni nga nxehtësia dhe lëreni të ftohet, shtoni lëngun e limonit dhe atë të portokallit bashkë me lëvoren e limonit.
Në fund, shtojeni edhe mjaltën.
Konsumojeni të nxehtë ose të ftohtë në baza ditore.
