Lajme

Rexhaj: Gjendja e arsimit në Kosovë më e rëndë se gjendja e arsimtarëve

Autori: Gazeta inFokus 07:47 | 02 September 2022

Ish-zëvendësministri i Arsimit, Shkencës Teknologjisë dhe Inovacionit Xhavit Rexhaj, ka thënë se greva e mësimdhënësve nuk duhet të vazhdojë.

Rexhaj, në Klan Kosova tha se gjendja në arsim është shumë më e rëndë se gjendja e arsimtarëve.

“Gjendja e arsimit në Kosovë sipas të gjitha analizave dhe vlerësimeve është shumë më e rëndë sesa gjendja e arsimtarëve. Prandaj, unë konsideroj se greva nuk duhet të vazhdojë”.

-Advertisement-

“Greva nuk do të duhej të vazhdonte. Por, që kjo të mos vazhdojë secili duhet ta kryejë punën e tij”.

Ai theksoi se qeveria do të duhej të ishte sindikatë e secilit prej mësimdhënësve.

“Qeveria do të duhej që pavarësisht raportet me sindikatat të ishte sindikatë e mësimdhënësve dhe të kuptojë gjendjen e tyre për shkak të inflacioni dhe mosrritjes së pagave për disa vite”.

“Qeveria do të duhej të reagonte në mënyrë që mësimi të mos ndërpritet për asnjë ditë më tutje”./

Subscribe në YouTube: GAZETA INFOKUSI