Revista prestigjoze amerikane, Forbes, i ka kushtuar artikull Kombëtares së Kosovës në futboll rreth arritjeve të kësaj të fundit.

“Liga e Kombeve në UEFA ka dhuruar emocione të shumta në vende të ndryshme të botës. Për skuadrat e mëdha, ka ofruar mikpritje dhe relaksim nga angazhimi i tepërt që lojtarët e kanë për lojra të rëndësishme në Ligën e Kampionëve. Për disa skuadra të mesme të futbollit Evropian, është mundësi e mirë që të luajnë kundër ekipeve të rëndësishme dhe iu ka mundësuar një rrugë për në Kampionatin Evropian 2020. Ndërsa për një ekip të vogël, ka dhuruar ndoshta momentet më të mira në historinë e futbollit të tyre”, ka shkruar Forbes.

Revista ka shkruar rreth historisë së Kombëtares Kosovare, që nga 2016 deri tek ndeshjet e fundit. Revista nuk ka hezituar të japë informata edhe rreth historisë së vendit tonë, përcjellë Ballkani.info.

-Advertisement-

“Historia e Kosovës në futbollin Evropian daton në vitin 2016 e deri tek fitorja e fundit kundër Azerbejxhanit. Ky shtet, i cili ka deklaruar pavarësinë nga Serbia në vitin 2008, ka luftuar shumë gjatë që të pranohet në UEFA dhe ka filluar rrugëtimin pa lojtarë, pa stadion dhe shumë pak shpresë. Ndërsa sot, ata kanë mundësi të mira që të kualifikohen në Euro 2020” thuhet më tutje në artikull.

Revista ka shkruar rreth ndeshjes së djeshme të Kosovës kundër Azerbejxhanit ku Kombëtarja shënoi edhe fitoren e rradhës.

“Edhe pse sistemi mund të duket i ndërlikuar, të gjithë në Prishtinë duket se e dinë si funksionon. Ata hynë në stadion mbrëmjen e djeshme duke e ditur se iu duhet një fitore për të garantuar vazhdimin e rrugëtimit drejt Evropianit. Stadioni ishte i stërmbushur dhe zhurma e gëzimit nga tifozët sa herë që topi hyri në rrjetë, 4 herë, tregonte vlerën që këto gola kishin për këta qytetarë dhe për lojtarët gjithashtu, të cilët nuk fshehnin emocionet”.

Kujtojmë se Kombëtarja e Kosovës ditën e djeshme shënoi fitoren e radhës kundër Azerbejxhanit, ku fitoi 4-0 dhe garantoi vazhdimin e ndeshjeve të tjera.

Comodita Home rikthen “Garage Sale” për edicionin e tetë, me zbritje deri në 70%

Sponsoruar

-Advertisement-