Lajme

Remit i anulohet intervistimi nga Specialja

Autori: Gazeta inFokus 09:48 | 03 November 2023

Ish-komandanti i Zonës Operative të Llapit, Rrustem Mustafa – Remi, ka bërë të ditur se ftesa për intervistim nga Prokuroria Speciale e Kosovës është anuluar dje.

Mustafa tha se ftesën për intervistim nga zyrtarë të Prokurorisë Speciale e kishte pranuar më 1 nëntor, ndërsa anulimi është bërë dje përmes një thirrje telefonike, një mesazhi dhe emaili.

“Në mbrëmjen e dt. 1.11. 2023, nga zyrtarët e dhomave të veçanta të Prokurorisë Speciale të Kosovës, kam pranuar një ftesë për t’u intervistuar sot, me 3.11.2023, në ora 09:00”.

-Advertisement-

“Në ndërkohë, po nga të njëjtit zyrtarë, dje pasdite, fillimisht përmes një thirrjeje telefonike dhe pastaj një sms-je dhe email-i, m’u konfirmua se intervistimi im nga ZPS-ja është anuluar”, shkroi Mustafa.

Ai më tej tha se në lidhje me këtë çështje, si në të kaluarën por edhe kurdo që është nevoja, është i gatshëm për ta dhënë kontributin e tij në favor të drejtësisë.

“Lufta e UÇK-së ka qenë luftë mbrojtëse dhe çlirimtare, ashtu siç thonë edhe miqtë ndërkombëtarë. Luftë më të drejtë dhe më të pastër (për aq sa, pastërtinë e tillë e mundësojnë rrethanat e luftës) nuk njeh historia e njerëzimit”.

“Jam me fat që kam qenë njëri nga protagonistët e kësaj lufte, dhe të vërtetën e saj jam i gatshëm ta mbroj në çfarëdo cilësie”, tha Mustafa, transmeton Klankosova.tv.

Mustafa, tutje tha se falë luftës së UÇK-së, jo vetëm Kosovës por edhe rajonit, i është hapur rruga e integrimit në familjen evropiane, aty ku sipas tij, i takon kombi dhe shoqëria kosovare.

Subscribe në YouTube: GAZETA INFOKUSI
Etiketa:
Zbritje dhe plot 5 dhurata – Oferta spektakulare e dyshekëve Comodita
-Advertisement-

Të tjera

Fokusi

lajme