Lajme

Refuzimi i rezultatit nga Donald Trump/ Biden: Është turp!

Autori: Gazeta inFokus 07:55 | 11 November 2020

“Mendoj se është një turp. Nuk di si ta them ndryshe këtë. Mendoj se kjo nuk do ta ndihmojë aspak trashëgiminë e presidentit”.

Kështu u shpreh presidenti i zgjedhur, Joe Biden për refuzimin e Donald Trump që të pranojë humbjen në garë. I pyetur nëse ka një plan në rast se administrata Trump nuk bashkëpunon në tranzicionin e pushtetit, Biden tha:

Do të ishte e këndshme të kishim një tranzicion normal, por jo e domosdoshme. Biden tha se ekipi i tij nuk kishte planifikuar asnjë aksion ligjor për momentin. Administrata Trump nuk e ka miratuar procesin e tranzicionit ç’ka do të thotë se ekipi i Biden nuk ka mundur ende të ketë akses tek informacionet sensitive.

-Advertisement-

Biden tha ndërkohë se kishte biseduar tashmë me gjashtë liderë botërore dhe u kishte bërë të ditur atyre se Amerika është rikthyer. Ne do të kthehemi në lojë – tha ai, duke i quajtur bisedat shumë të gjera dhe energjike. Më herët, sekretari i shtetit Mike Pompeo, refuzoi t’i përgjigjej pyetjeve në një konferencë për shtyp, për tranzicionin e pushtetit. Ai tha se do të ketë një tranzicion normal më 20 janar në një administratë të dytë Trump.

Joe Biden dhe zëvendësja e tij Kamala Harris, folën nga Delaueri për atë që njihet si Obamacare, reformën e kujdesit shëndetësor që i garantoi mbulim me sigurime shëndetësore miliona amerikanëve. Sipas tyre, Obamacare është ligji për të cilin çdo amerikan duhet të jetë krenar.

Subscribe në YouTube: GAZETA INFOKUSI
Etiketa:
MYZHDE për krejt!

Të tjera

Fokusi

lajme