Sport

Real Madrid planifikon goditjen e madhe, në shënjestër ylli i Liverpool

Autori: Gazeta inFokus 12:48 | 22 March 2024

Real Madrid në sulm për Trent Alexander-Arnold. Kontrata e anësorit të Liverpool skadon në vitin 2025 dhe për momentin nuk ka tratativa për rinovimin e saj. “Los Blancos” e sheh si zëvendësuesin ideal të Dani Carvajal teksa një tjetër faktor plus është edhe fakti që lojtari i kombëtares angleze mbulon disa role në fushë me Jurgen Klopp që e ka provuar 25-vjeçarin edhe në rolin e mesfushorit.

Lamtumira e Jurgen Klopp nga “The Reds” shtyn edhe më tepër Realin që të këmbëngulë në transferimin e Arnold. Spanjollët besojnë se pa teknikun gjerman në Anfield, do të jetë më e lehtë për t’i rrëmbyer Liverpoolit një nga yjet më të shndritshëm.

Për momentin ende nuk ka një informacion mbi preferencat e Arnold që me fanellën e Liverpool numëron më shumë se 300 ndeshje. Reali sapo e ka nisur ofensivën në drejtim të anësorit dhe e ndjek me nga afër situatën në klubin anglez duke e vendosur Trent Alexander-Arnold një objektiv për merkaton e verës së vitit 2024.

-Advertisement-

Subscribe në YouTube: GAZETA INFOKUSI
Etiketa:
BKT Kosova hap degën më te re në qytetin e Suharekës

Të tjera