Sport

Real Madrid përsëri vërteton se janë “mbretërit” e Evropës, ia shënojnë pesë gola në pjesë të dytë Dortmundit

Autori: Gazeta inFokus 23:34 | 22 October 2024

Kampioni në fuqi i Evropës triumfoi 5:2 ndaj Borussia Dortmundit në shtëpi në xhiron e tretë në Ligën e Kampionëve.

Por, pjesa e parë ishte për t’u harruar për madrilenët, që e panë veten në disavantazh prej dy golave.

Fillimisht Malen kaloi mysafirët në epërsi në minutën e 30-të, para se Gittens të dyfishonte epërsinë vetëm katër minuta më vonë.

-Advertisement-

E pjesa e dytë ishte taktikisht e përkryer për skuadrën e Carlo Ancelottit.

Antonio Rudiger ngushtoi rezultatin në minutën e 60-të, pas asistimit nga Kylian Mbappe.

E tre minuta më vonë, Vinicius Junior barazoi rezultatin.

Fundi i ndeshjes ishte edhe më spektakolar.

Lucas Vazquez shënoi gol të bukur për 3:2 dhe përmbysjen e madhe në minutën e 83-të.

Tre minuta më pas, Vinicius Junior shënoi për 4:2, e krejt në fund e kompletoi edhe hat-trikun e tij, për rezultatin final 5:2.

Me këtë fitore, Real Madridi tani ka gjashtë pikë, aq sa ka edhe Borussia Dortmund, që e pësoi humbjen e parë.

Subscribe në YouTube: GAZETA INFOKUSI
Vrasja e Lulzim Fejzullahut, vjen reagimi i parë nga ministrja Haxhiu
-Advertisement-

Të tjera

Fokusi

sport