Lajme

Reagon edhe Komuna e Prishtinës për Liqenin e Badovcit” Uji në asnjë mënyrë nuk bën të rrezikohet”

Autori: Gazeta inFokus 11:55 | 13 January 2020

Ditë më parë bëri bujë një projekt ndërtimor.

Kjo me shqetësimin e qytetarëve se do të dëmtohet Liqeni i Badovcit, shkruan gazeta inFokus.

Projketi në fjalë parashikohej të ndërtohej rreth Liqenit të Badovcit, ku do të bëhej një lagje ekskluzive në këtë pjesë.

E për këtë o mobilizuan një numër i madh i qytetarëve ku për ta kundërshtuar në një grup në Facebook u mblodhën për më pak se tre ditë mbi 12 mijë veta, shkruan gazeta inFokus.

Tani ka reaguar për këtë punë edhe Komuna e Prishtinës, e cila ka thënë që kompania në fjalë as nuk ka leje ndërtimore e as nuk ka aplikuar ende për një të tillë.

“Kompania në fjalë nuk ka leje ndërtimi dhe ende nuk ka aplikuar për leje ndërtimi. Kompania në fjalë ka aplikuar për kushte ndërtimore të cilat i paraprijnë aplikimit për leje. Në këtë procedurë është qe disa vite. Në Kushtet Ndërtimore i thuhet se para se të aplikojë për leje në Komunën e Prishtinës, duhet të aplikojë për pëlqimin për vlerësimin mjedisor në Ministrinë e Mjedisit dhe Planifikimit Hapësinor, të cilën ende nuk e ka bërë”, thuhet në reagimin e Komunës së Prishtinës.

Kështu, Komuna e Prishtinës Liqenin e Badovcit po e konsideron shumë të rëndësishëm për qytetarët andaj edhe kërkon që kjo në asnjë mënyrë të mos rrezikohet, shkruan gazeta inFokus.

“Liqeni i Badovcit është pasuri shtetërore në pronësi të Shtetit të Republikës së Kosovës sikurse edhe çdo resurs tjetër ujor. Vendimet për mbrojtjen e Liqenit/Ujit dhe masat tjera mbrojtëse i merr niveli qendror – sepse i kanë edhe përgjegjësitë edhe kapacitetet të bëjnë vlerësime të tilla. Komuna e Prishtinës është përgjegjëse për leje ndërtimore sipas dokumenteve planifikuese që i ka në fuqi, dokumentet kryesore të të cilave janë aprovuar nga Kuvendi Komunal i Prishtinës në vitin 2013”.

“Në vitin 2015, Komuna e Prishtinës ka propozuar rritjen e teritorrit të Germisë nga 900 hektarë në 2000 hektarë dhe ka marr statusin e pejsazhit të mbrojtur sipas Ligjeve në fuqi. Një pjesë e pejsazhit është rreth Badovcit. Në vitin 2016 në bashkëpunim me Qeverinë e Çekisë kemi arritur që të fillojmë trajtimin e ujrave të zeza përreth liqenit. Ujëra të tilla nuk derdhen më në liqenin e Badovcit. Prishtina ka ujë të pijshëm 24 orë në ditë që nga viti 2017, dhe kjo në asnjë mënyrë nuk bën dhe nuk do të rrezikohet”./Gazeta inFokus/

Të tjera