Sport

Reagimi i ashpër i klubeve sportive në Suharekë: Ballkanit iu ndan 80 mijë euro nga komuna për përgatitjet në Durrës dhe Antalya

Autori: Gazeta inFokus 21:23 | 30 January 2021

Disa klube sportive kanë reaguar ashpër ndaj Komunës së Suharekës në lidhje me ndarjen e mjeteve për Ballkanin.

Sipas drejtuesve të këtyre klubeve, komuna alokoi 80 mijë euro për Ballkanin, në mënyrë që klubi të përgatitej për 11 ditë në Durrës dhe 14 ditë në Antalya të Turqisë.

Tutje, në këtë reagim thuhet se klubet tjera sportive janë ndihmuar me vetëm 1500 apo 2000 euro për tërë vitin.

-Advertisement-

 

Kërkojmë të ndalohet degradimi dhe diskriminimi i sportit në Komunën e Suharekes.

Kërkojm nga Kryetari i Komunës së…

Posted by Valmir Fetiu on Saturday, January 30, 2021

Njoftimi i plotë i Valmir Fetiut, kryetrajner në një klub të Taekwondos:

“Kërkojmë të ndalohet degradimi dhe diskriminimi i sportit në Komunën e Suharekes.

Kërkojm nga Kryetari i Komunës së Suharekes dhe Drejtori i sportit të rishikojnë vendimin e fundit të mbajtur në seancën e parë të vitit 2021 të asamblesë komunale, në njërën prej pikave të rendit të ditës ishte edhe alokimi i mjeteve në vlerë prej 80000 (tetë dhjetë mijë) Eurove për mundësinë e eskursionit të klubit Futbollistik “Ballkani” 11 ditë në Durrës dhe 14 ditë në Antalya të Turqisë për 45 persona.

Më të vërtetë është shqetësuese kjo, kur klubet tjera më renome ndërkombëtare si:

Klubi i Taekwondo-së & Hapkido-së “Puma”,

Klubi i karates “Qeliku”

Klubi i shigjetarise” Luzhnica” dhe shumë klube tjera te cilat nuk dëshirojn të bëhen publike për arsye qe do ju hakmerren ne vazhdimësi.

Funksionojnë më mjete vetanake dhe korrin rezultate të mëdha Kombëtare dhe Ndërkombëtare, ndërsa komuna ju ndan nga 1500 deri 2000 euro për tërë vitin.

Sporti është i të gjithëve  dhe për qytetarët e Suharekes te rinjtë dhe të rejat tona ti shohim në arena duke shkëlqyer e jo bankat e rezervave.

Edhe në subvencionimin e klubeve nga komuna, nuk është bërë ndarje e barabartë, duke anashkaluar shumë sportistë dhe shumë klube në mënyrë jo të drejtë.

Lusim Kryetarin e komunës të menaxhoje mjetet për sport në mënyrë të mirëfilltë dhe stop politizimit të sportit tonë”.

Subscribe në YouTube: GAZETA INFOKUSI
Lansohet aplikacioni më i ri i lojalitetit që sjell t’mira pafund Kartela Plus!
-Advertisement-

Të tjera

Fokusi

sport